afriga - Transmedia 2009

50
INSTALACIÓNS
DÉBESE PROCURAR UN AMBIENTE
AXEITADO PARA O MATERIAL, COMPATIBLE
CO NECESARIO PARA A PRODUCIÓN
ANIMAL. AMBIENTES SECOS E BEN
VENTILADOS, EVITANDO A EXPOSICIÓN
DIRECTA DA MADEIRA Á AUGA DE CHUVIA
Fig. 17.- Elemento curvo tipo peraltada en castiñeiro
CONCLUSIÓNS
Para resumir o exposto anteriormente, indícanse os puntos
máis representativos a xeito de conclusións:
- Emprego de pezas procedentes da propia explotación.
- En ocasións recíclanse pezas que cumpriron a súa
vida útil noutros usos.
- En xeral, ausencia de tratamento preventivo agás en
elementos industrializados, pezas de reutilización e
material de peche.
- Alto grao de autoconstrucción, cunha posta en obra
pouco coidada.
- Uso de sistemas estruturais simples baseados no
emprego de madeira maciza.
- A selección das dimensións dos elementos estruturais
non se basea en criterios técnicos.
- O factor prezo é determinante á hora de definir solución
estrutural e tipo de material a empregar.
- O uso da madeira non está moi estendido polo mal
concepto que a sociedade ten dela.
- Atopámonos cun material que quedou relegado
por outros tecnoloxicamente máis avanzados, e que
ademais non foi promocionado axeitadamente.
2. VANTAXES DO USO DE MADEIRA ESTRUTURAL
O emprego de madeira como material estrutural achega
unha serie de vantaxes, entre as que sinalamos as seguintes:
- Reducido peso propio en comparación con outros
materiais, o que proporciona unha marxe no que
a capacidade mecánica se refire para usar fronte a
outro tipo de accións de carácter permanente ou variable.
- O seu reducido peso facilita tamén os labores de
montaxe e posta en obra, precisándose medios de
elevación de menor capacidade que cando se empregan
materiais máis pesados.
- Material renovable e ecolóxico.
- Existe material dispoñible procedente de bosques
con certificación de xestión forestal sostible.
- Contribúe a reducir o efecto invernadeiro, dado que
a enerxía consumida na produción dunha tonelada
de madeira estrutural é moito máis baixa que se se
trata de formigón ou aceiro estrutural.
- Os procesos de fabricación en taller permiten reducir
o tempo de montaxe das estruturas en obra.
- É un material compatible co uso agrícola, forestal e
gandeiro.
- Conta cunha normativa, o Código Técnico da Edificación,
que regula o proceso de dimensionado estrutural.
- É un material cunha boa resistencia contra o lume
(Fig. 18).
- Observando unhas regras mínimas de deseño, e respectando
os detalles construtivos básicos, minimízase
o mantemento da estrutura.
- Os sistemas de unión entre os diferentes membros
que compoñen unha estrutura facilitan a desmontaxe
e posterior reutilización da mesma.
- Posibilidade de combinar con diferentes materiais
(Fig. 19).
- A evolución tecnolóxica do sector de transformación
da madeira nos últimos anos permitiu abastecer
o mercado de produtos aptos para múltiples
usos estruturais. Madeira laminada, madeira microlaminada,
taboleiros, elementos compostos, etc.
Fig. 18.- Estado final de vigas de cuberta despois dun incendio.
AFRIGA ANO XV - Nº 80