afriga - Transmedia 2009

INSTALACIÓNS 49
Finalmente, un tratamento preventivo pode axudar a
garantir a durabilidade, sempre que se observaran previamente
os dous aspectos antes sinalados. Normalmente,
este tratamento pasa por introducir na madeira elementos
químicos solubles en auga, que actúan como unha barreira
contra a acción de axentes biolóxicos de degradación como
fungos e insectos.
O parámetro definitivo neste proceso é a impregnabilidade
da madeira como indicador da penetración de produto
no seu interior. É importante ter en conta que non
todas as especies son igualmente impregnables, así como
que dentro dunha mesma especie, por exemplo o pino pinaster,
a cerna non é impregnable e a albura si.
Fig. 14.- Protección da madeira mediante encalado
Fig. 12.- Profundidade de penetración do produto
Existen no mercado produtos con base de sales (cobre,
cromo) que mediante diferentes técnicas (pulverización,
inmersión e autoclave) permiten alcanzar os estándares de
protección definidos na normativa.
No que se refire á aplicación práctica no eido da construción
agraria, hai que sinalar que os elementos sometidos a
tratamento industrial redúcense a aqueles procedentes doutros
usos (postes tratados), ao rolo torneado impregnado
(RTI) e basicamente a elementos de peche.
En ocasións, o tratamento preventivo realízao o propio
promotor a base de produtos alternativos coma o gasóleo
e/ou o aceite queimado, en ambos casos con efectividade
cando menos discutible. Este sistema constitúe unha alternativa
por prezo ao sistema industrial, se ben hai que
aclarar que os resultados poden ser moi variables, e ademais
manéxanse produtos non incluídos na normativa de
referencia.
C) Sistemas estruturais
Detéctase unha aplicación preferente de elementos estruturais
simples, tipo viga e piar, que permiten resolver
de forma económica a maioría das variantes de deseño en
planta.
Cando as luces a cubrir superan un determinado valor
(por riba dos 10 metros), recórrese a sistemas triangulados,
sendo o sistema máis relevante a cercha de pendolón
e tornapuntas.
En moitas ocasións combínanse elementos portantes
noutros materiais coma o formigón e a fábrica, xa sexa de
bloque ou de pedra.
Fig. 15.- Cercha de pendolón e tornapuntas sobre mampostería de granito.
Fig. 13.- Tratamento con outros produtos
Fig. 16.- Estrutura soporte tipo kennel a base de vigas e piares
AFRIGA ANO XV - Nº 80