afriga - Transmedia 2009

48
INSTALACIÓNS
B) Protección da madeira
Un dos puntos clave da construción con madeira é a durabilidade.
Para garantila débese deseñar a estrutura baseándose
en tres parámetros:
- Durabilidade natural
- Deseño construtivo
- Tratamento preventivo
A durabilidade natural depende da especie e dos compoñentes
da sección (albura e cerna). Isto supón que a selección
de especie é un primeiro aspecto a ter en conta de cara
a conseguir unha axeitada vida útil da estrutura.
As especies de orixe galega usadas pódense clasificar,
atendendo á cerna, en orde decrecente de durabilidade natural
como segue: castiñeiro, carballo, piñeiro e eucalipto.
Un aspecto importante que incide na durabilidade do
material é a preparación para a posta en obra. Observouse
que, en moitas ocasións, os elementos estruturais non presentan
unha preparación axeitada, limitándose a un simple
canteado que permita resolver unha unión ou un apoio,
manténdose incluso a cortiza do toro en parte ou na súa
totalidade. Este material proporcíonalle aos axentes bióticos
un soporte desde o cal acceder ao resto de elementos
estruturais, co consecuente deterioro dos mesmos.
Fig. 8.- Podremia no apoio dun piar
Fig. 9.- Deterioro por falta de ventilación nunha correa de cuberta
Fig. 7.- Elementos estruturais con cortiza
O deseño construtivo é un factor moi importante no que
se pode incidir para conseguir unha durabilidade natural.
Débese procurar un ambiente axeitado para o material
compatible co necesario para a produción animal. Neste
sentido, búscanse ambientes secos e ben ventilados, evitando
a exposición directa da madeira á auga de chuvia e o
contacto permanente con humidade e suciedade que poida
provocar e/ou favorecer a actuación de axentes bióticos de
degradación.
Este aspecto constitúe un punto débil da construción en
madeira na nosa comunidade, xa que en moitas ocasións
non se resolven axeitadamente os detalles construtivos máis
importantes, como apoios e unións.
Fig. 10.- Beiril insuficiente
Fig. 11.- Ascenso de humidade por capilaridade
AFRIGA ANO XV - Nº 80