afriga - Transmedia 2009

INSTALACIÓNS 47
AS ESPECIES GALEGAS PÓDENSE
CLASIFICAR EN ORDE DECRECENTE DE
DURABILIDADE NATURAL ATENDENDO Á
CERNA: CASTIÑEIRO, CARBALLO, PIÑEIRO
E EUCALIPTO
CARACTERÍSTICAS DA EDIFICACIÓN CON MADEIRA NO
EIDO AGRARIO
Para caracterizar a construción en madeira no eido agrario,
espoñemos a continuación unha serie de aspectos que
reflicten as condicións de uso deste material.
A) Materiais empregados
As inspeccións realizadas poñen de manifesto que a forma
máis habitual en que aparece a madeira estrutural é como
madeira en rolo, xa sexa como material de reciclaxe (madeira
de derrubamento e postes do tendido eléctrico ou
de telefonía), elementos sometidos a un proceso industrial
(rolo torneado impregnado) e incluso toros procedentes da
propia explotación.
Fig. 4.- Sistema viga-piar a base de madeira en rolo
Un último material, usado case exclusivamente en construcións
de promoción pública, é a madeira laminada. A
favor deste material hai que destacar a posibilidade de
definir diferentes tipos estruturais (cerchas, pórticos, celosías,
sistemas de viga-piar, etc.), a capacidade para cubrir
grandes luces (maiores de 20 metros) e a dispoñibilidade
crecente no mercado. Posiblemente o freo á súa utilización
masiva na construción gandeira se atope nun custo que o
sector non é capaz de asumir polo momento.
Fig. 2.- Reciclaxe de postes do tendido telefónico
En canto á madeira aserrada, a súa presenza en elementos
estruturais é menor debido ao custo que para o propietario
supón a preparación do material nun aserradeiro.
Se falamos de elementos de peche invírtense os termos, xa
que aí a madera serrada utilízase case exclusivamente.
Outra das razóns polas que se usa máis a madeira en rolo
que a serrada é a posibilidade de cubrir luces maiores con
elementos tipo viga, o que reduce os custos de fabricación
de elementos máis elaborados, tipo celosía.
Fig. 5.- Mercado gandeiro de Paradela (Lugo). Pórticos de madeira laminada
Fig. 6.- Explotación avícola. Pórticos de madera laminada
Fig. 3.- Celosía formada por membros de madeira maciza aserrada
AFRIGA ANO XV - Nº 80