afriga - Transmedia 2009

44
PUBLIRREPORTAXE
PROCURAR A
RENDIBILIDADE
EN ÉPOCA DE
CRISE
Pensos Nanfor, S.A.
O campo galego está a pasar por un dos peores momentos que se recordan na
súa historia. Ao baixo prezo do leite engádese o incremento doutros custos importantes
á hora de producir, como son os dos fertilizantes, os da recría ou compra
de gando externo ou o da man de obra. Ademais, e en contra de todas as previsións,
produciuse un incremento dos prezos das materias primas que entran nas
racións de vacún de leite (principalmente, a soxa como compoñente proteico).
¿COMO PODEMOS AFRONTAR A PERDA DE RENDIBILIDADE?
A) MINIMIZANDO OS GASTOS
Substituíndo os concentrados por unha
maior porcentaxe de forraxes de boa
calidade, tanto en fresco como ensilados,
sen esquecer que o risco asumido
é moito maior debido á influenza
de diversos factores: a climatoloxía, as
mermas nos procesos de conservación
e a calidade química e microbiolóxica,
entre outros.
Para conseguir estes obxectivos,
precisamos ter unha base territorial
suficiente e optimizar os labores de obtención
e manexo de forraxe (laboreo,
abonado, sementeira...)
Por exemplo: un quilo de silo de millo
pode ver aumentado o seu custo nun
65% cando pasamos de producir 50 Tm/
ha a 30 Tm/ha.
Por outra banda, non é o mesmo que
para conseguir 1 qg de materia seca (da
que realmente depende a produción da
vaca) de silo de herba precisemos 3,4 ou
5 quilos de consumo en fresco.
Con esta primeira alternativa, minimizaranse
os gastos por vaca e día, pero,
pola contra, dificilmente alcanzaremos
niveis elevados de produción.
MINIMIZANDO OS GASTOS POR VACA E DÍA, DIFICILMENTE
ALCANZAREMOS NIVEIS ELEVADOS DE PRODUCIÓN
AFRIGA ANO XV - Nº 80