afriga - Transmedia 2009

ECONOMÍA 43
Noutros países hai organizacións interprofesionais estables
que axudan a unha mellor organización do mercado.
Teñen unha ampla actividade, achegando información
sobre a situación do mercado, promovendo negociacións
e acordos de prezos e defendendo intereses conxuntos da
produción e da industria. Ademais, evitan tamén os comportamentos
oportunistas dalgúns operadores que, como
no caso de España, axudan a provocar unha maior inestabilidade
do mercado, tanto en situacións de prezos elevados,
como ocorreu no ano 2007, como actualmente. Son
sempre os mesmos, pero seguirán a provocar problemas
mentres non exista unha organización interprofesional
que marxine eses comportamentos oportunistas e estableza
unhas normas de gobernanza como as existentes
noutros países.
AS PERSPECTIVAS
A actual situación de baixos prezos do leite ao produtor
está orixinada pola crise existente no mercado internacional,
que afecta de modo máis intenso ca antes ao mercado
comunitario ao estar desprovisto de parte dos instrumentos
de regulación existentes anteriormente. A súa repercusión
no mercado español está agravada polos tres factores
expostos anteriormente.
Segundo a información dispoñible a moi curto prazo, os
prezos do mercado internacional mantéñense baixos, aínda
que se prevé unha certa recuperación na segunda metade
do ano, da que non hai coincidencia sobre o seu importe.
Segue pesando sobre o mercado a crise económica, que
afecta tamén ao consumo de produtos lácteos nos países
importadores, e certo aumento da produción provocado
polas expectativas xeradas polos elevados prezos do ano
2007, aínda que xa ten comezado a remitir.
As previsións do Departamento de Agricultura de Estados
Unidos son dun incremento no prezo do leite duns
3 céntimos/litro no cuarto trimestre deste ano. No mercado
de futuros de Chicago, e neste caso xa non se trata
de previsións, senón das opcións de compra futuras que
contratan os operadores, as subas son máis elevadas, con 4
céntimos/litro para agosto e algo máis de 6 en decembro,
manténdose esa melloría do mercado nos primeiros meses
do próximo ano.
No mercado comunitario, as cotizacións dos produtos lácteos
seguen baixas, a pesar das compras de intervención de
leite en po e manteiga, pero a recollida de leite ten baixado
de modo significativo, o que tamén ocorre en España. Isto
debera repercutir nunha melloría da situación do mercado.
Con base a esta información, sobre todo coas referencias
do mercado internacional e das operacións de futuros de
Chicago, pódese prever unha certa melloría nos prezos no
segundo semestre do ano.
Pero para o futuro hai que prepararse para unha nova situación
dun mercado do leite máis inestable nos prezos, ao
estar máis afectado pola situación do mercado internacional.
A superación dos problemas específicos existentes no mercado
español, que son aínda algo máis graves en Galicia pola
maior dependencia no leite envasado, deben ser cuestións
prioritarias para poder facer unha mellor xestión deste mercado
cada vez máis inestable.
La solución de los purines
al alcance de la mano:
• Separadores
• Bombas trituradoras
• Agitadores
• Riego con purines
LIDER EN ESPAÑA
Más de 70
instalaciones
nos avalan,
consulten
referencias.
www.lozanomanzanares.com
Teléfono: 926 620 451 // Fax: 926 612 029
AFRIGA ANO XV - Nº 80