afriga - Transmedia 2009

ECONOMÍA 39
EN ESPAÑA, OS PREZOS
DO LEITE DE MARCAS
BRANCAS ESTÁN 12
CÉNTIMOS POR DEBAIXO
DOS DE FRANCIA
Nos principais países europeos produtores
de leite hai relacións estables
e acordos negociados de prezos entre
produtores e industrias, ben no seo das
organizacións interprofesionais, como
en Francia, ben pola integración dos
produtores nas grandes cooperativas
que industrializan o leite, como ocorre
en Holanda e Dinamarca. Estes acordos
adoitan establecerse por períodos
amplos ou por campañas, sendo as referencias
nas negociacións previas de
prezos a situación do mercado interior
e o das exportacións, estando ademais
suxeitos a axustes estacionais.
Pola contra, en España non existen
estes acordos, habendo na práctica
unha imposición de prezos por parte
das industrias. As diferenzas nos prezos
pagados entre industrias son escasas
no prezo base e nas primas de calidade
e máis elevadas noutras primas
(case 5 céntimos por litro de media no
último ano con respecto a menos de
1 céntimo para as ligadas á calidade),
que están en función do volume entregado
e das estratexias das empresas
con certas rutas e produtores.
A estrutura dos produtos lácteos
elaborados pola industria en España
é moi diferente da existente noutros
países. No conxunto da Unión Europea,
algo máis da metade do leite é
dedicado á fabricación de queixos, por
tan só unha cuarta parte utilizada no
leite envasado e outro 15% destinado
ao leite en po. Nalgúns países como
Dinamarca, que é precisamente un
dos maiores exportadores, a parte dedicada
aos queixos supera o 60% e o
leite en po chega ata a cuarta parte. A
situación de España é moi diferente,
ao absorber o leite envasado a metade
do recollido, xusto o dobre que no
conxunto da Unión Europea.
AFRIGA ANO XV - Nº 80