afriga - Transmedia 2009

34
ECONOMÍA
Sineiro, na súa charla en Lugo o pasado 23 de marzo
O MERCADO DO LEITE E
DOS PRODUTOS LÁCTEOS
O obxectivo deste artigo é achegar información sobre o mercado dos produtos lácteos
para axudar a entender mellor os importantes cambios ocorridos nos prezos do leite nos
últimos dous anos, a situación actual e as perspectivas de evolución a medio prazo.
O artigo desenvolve e amplía a conferencia de Francisco Sineiro na xornada técnica
organizada pola empresa Nanta o 23 de marzo en Lugo sobre produtividade e aptitudes
tecnolóxicas do leite producido polo sistema Kempen.
Francisco Sineiro García,
Roberto Lorenzana Fernández
Escola Politécnica Superior, Lugo.
Universidade de Santiago.
Nos produtos lácteos temos tres
mercados diferentes segundo avancemos
desde a produción ata o consumo.
O primeiro é de compra e venda de
leite cru entre produtores e industrias.
O segundo, de produtos lácteos elaborados
que venden as industrias ás
empresas de distribución alimentaria.
No terceiro, os consumidores mercan
estes produtos nos distintos establecementos
de distribución (híper e
supermercados e pequenas tendas de
alimentación).
Loxicamente, os prezos nestes tres
mercados están relacionados, pero a
experiencia demostra, tal como ocorreu
no ano pasado, que as baixas nos
prezos en orixe non se transmiten na
mesma medida ao consumo.
Os mercados tamén poden ser diferentes
segundo os produtos elaborados
co leite recollido, con importantes diferenzas
no valor destes produtos por litro
de leite utilizado na súa fabricación.
Podemos poñer como exemplos o valor
no consumo dun litro de leite de marca
branca, duns 0,50 euros/litro, o dun leite
enriquecido de primeira marca,
AFRIGA ANO XV - Nº 80