afriga - Transmedia 2009

30
EXPLOTACIÓN
AS VACAS EN PRODUCIÓN COMEN A RACIÓN NO ESTABLO PRINCIPAL, SERVIDA NOS
COMEDEIROS, XUNTO CON HERBA SECA A DISCRECIÓN, CATRO VECES AO DÍA
As xovencas permanecen ao aire libre a partir do primeiro ano, en lotes de 6 ou 7 animais
A familia, no salón onde gardan os numerosos
trofeos dos concursos de gando
XENÉTICA
A xenética é unha paixón para Capón “desde sempre”.
Busca touros que lle aporten tipo e fortaleza, sen pretender
nunca que as producións superen os 10.000 litros. “Moitos
menos problemas e máis duración”, resume. O chantadino
é partidario firme da xenética canadense, recorrendo a
sementais coma Buckeye, September e Bolivia. Entre os
galegos ten usado doses de Mario Xacobeo.
O resultado da mellora xenética na granxa é notable. A
media da explotación por ICO está en 82,3, con 23 animais
calificados MB. Unha cabana ideal para concursos, a
grande afección da familia. No ano 2000 empezaron a súa
andaina competitiva no Nacional de CONAFE de Talavera
de la Reina, o primeiro Nacional no que houbo vacas
galegas premiadas. Unha delas, unha terceira de sección,
era de Capón.
A estrela da granxa nestes momentos é Capón Carola
Lee, cun palmarés no que destacan os títulos de mellor
vaca intermedia no Nacional de Xixón do 2005, vaca nova
subcampiona de Galicia no 2004 ou segunda mellor xovenca
de 20-22 meses no Nacional de Xixón do 2003, entre
outros.
Os éxitos más recentes da gandería foron na Moexmu
2009, onde Capón-Holstein Goldwyn Marisa foi xovenca
subcampiona, e en Silleda 2008, con Capón-Holstein
September Dixi como xovenca gran campiona de Galicia.
En Chantada 2008, Capón Carola Lee foi vaca adulta subcampiona
e Capón September Dixi, xovenca subcampiona.
Neste mesmo certame, a Gandería Capón recibiu o título
de mellor criador, que xa gañara na edición do 2005.
AFRIGA ANO XV - Nº 80