afriga - Transmedia 2009

EXPLOTACIÓN 27
AS VACAS APROVEITAN A HERBA
NO PASTOREO E TAMÉN ENSILADA.
REPARTIDOS POLA EXPLOTACIÓNS HAI
ATA NOVE SILOS, MOITOS DELES NOS
PROPIOS PRADOS
Establo das vacas en produción, que acuden a el só 2 veces ao día, para o
muxido e para comer herba seca e a ración
As vacas de produción tamén permanecen nos prados, acudindo
ao establo só para o muxido e para consumir o concentrado.
En canto ás vacas secas, pacen nunha carballeira.
A base territorial da que dispón a explotación é de 55
hectáreas. 32 son propiedade da granxa, 10 proceden da
explotación que cesou _na cercana aldea de O Ulleiro_ e o
resto están arrendadas. Como é habitual, a separación entre
as parcelas é un dos atrancos máis graves, máxime nun
sistema de pastoreo. O tamaño das fincas é moi variable, a
maior ten unhas 11 hectáreas e a máis pequena non chega
a 1 hectárea. As extensións máis grandes fóronse formando
a base de permutas de parcelas cos veciños.
Na Gandería Capón nunca se plantou millo, agás o ano
pasado, en que probaron a botar 2 hectáreas. A aposta da
granxa é pola herba, en concreto o raigás inglés e o italiano.
“Unha finca boa igual bota 5 ou 6 anos sen renovar”,
explica Capón. As vacas aproveitan a herba no pastoreo e
tamén ensilada. Repartidos pola explotacións hai ata nove
silos, moitos deles nos propios prados. Cando o silo está
feito destápase un lateral e son os propios animais os que
van avanzando na fronte.
Respecto aos motivos para non recorrer ao millo, o gandeiro
indica que “é rico en enerxía e almidón, pero aquí o
que máis necesitamos é proteína”. Por outra banda, a zona
está infestada de xabaríns, polo que “habería que facer un
gasto enorme para pechar as parcelas”.
Na granxa fanse dúas cortas de herba para ensilar, cun
mes de diferencia entre unha e outra. Capón explica que
o ano pasado fixo a primeira corta a finais de maio, mentres
que este ano preferiu adiantala a principios dese mes.
Tamén cambiou o sistema de ensilado; mentres que o ano
pasado ensilou toda a herba xunta, sen ter en conta as diferencias
de crecemento, este ano decidiu separar en función
do estado de cada parcela.
O abonado das fincas faise a base de xurro, fósforo e nitramón.
Antes da corta, a parcela en cuestión permanece
un máximo de 40 días sen vacas.
A explotación ten un amplo parque de maquinaria, que
lle permite ser practicamente autónoma no laboreo: 2 tractores,
unha rotoempacadora, cisterna, rotativa e rastrillo.
En asociación con outras cinco granxas dispón tamén de
grade de disco, subsoladora, carro herbicida e sementadota.
Externalízanse o ensilado e a extracción de purín, servizos
que presta a cooperativa Icos.
OS CUBÍCULOS MELLOR
ACONDICIONADOS COS NOSOS
DISPENSADORES
Dispensadores para acondicionar cubículos coa maior
rapidez e facilidade, o mínimo de po e o uso máis
económico dos materiais.
160 cubículos acondiciónanse en 5-6 minutos
Os usuarios aforran ata un 50 % en material de base
Posibilidade de utilizar serrín, cepilladuras, area, palla
picada, papel e caliza
TODOS OS DISPOSITIVOS PARA
O TRATAMENTO INTEGRAL DO
PURÍN
Trituradores
Revolvedores
sumerxibles en ferro
e aceiro inoxidable
CARGA AUTOMÁTICA
Separadores
UNHA COMPLETA GAMA DE
BEBEDEIROS BASCULANTES
INOXIDABLES
Con ou sen protección
Con válvula de alto rendemento de 25 litros/minuto
Modelos de 45 e 75 litros
AFRIGA ANO XV - Nº 80