afriga - Transmedia 2009

26
EXPLOTACIÓN
GANDERÍA CAPÓN. ANDEMIL-VILAÚXE (CHANTADA)
De esquerda a dereita, Águeda, Roi, Marisol e Manuel, na galería da casa
UNHA APOSTA DECIDIDA POLA CRÍA EN EXTENSIVO
Na Gandería Capón trabállase ao vello estilo: vacas nos prados, silos de herba
e ausencia de millo. O toque moderno é a paixón dos propietarios pola xenética
canadense e os concursos de gando. Nesta granxa chantadina hai máis de 40 vacas en
produción e outras tantas xovencas. Toda a recría se fai na casa.
A Gandería Capón tivo a súa base na vella explotación
familiar, que ata 1985 foi mixta. Nese ano comeza a funcionar
dedicada só á produción de leite, partindo dunha cota
de 40.000 litros e 11 vacas. En anos sucesivos, os propietarios
foron adquirindo dereitos de produción no mercado
libre, sufrindo en directo a escalada de prezos _desde as 28
pesetas por litro dos primeiros tempos ata as 110 que se
pagaban cando se eliminou a compravenda entre particulares_.
Grazas a que asumiron os dereitos dunha gandería
veciña que cesou (80.000 quilos), a granxa puido chegar a
unha cota actual de 450 toneladas.
Manuel Capón (48 anos), a súa dona Marisol Fernández
(44) e os seus fillos Roi (18) e Águeda (15) compoñen
unha familia moi gandeira. Marisol, antiga decoradora de
cerámica en Ourense, adaptouse sen problemas ao oficio e
á vida no campo. Os dous rapaces están decididos a estudar
Veterinaria e seguir adiante coa explotación, ademais de ser
manexadores premiados en multitude de concursos, unha
auténtica paixón para a familia.
A fórmula desta explotación é netamente tradicional,
baseada no pastoreo. As vacas permanecen ceibas todo o
tempo, pacendo nos prados que rodean a explotación. Levan
unha vida exenta de estrés que se traduce en produ–
cións moderadas pero unha gran lonxevidade _ata 9 partos_,
así como nunha ausencia case total de problemas de patas.
A cabana gandeira está organizada en lotes de idade.
Unha vez que as xovencas se destetan, permanecen nun
establo habilitado para elas durante 12 meses. A partir dese
tempo comezan a súa vida nos prados, onde se manteñen
en parcelas pechadas e lotes de seis ou sete animais.
AFRIGA ANO XV - Nº 80