afriga - Transmedia 2009

ADMINISTRACIÓN 25
“CANDO SE RECUPERE A
SITUACIÓN ECONÓMICA,
OS PREZOS MELLORARÁN.
PERO TAMÉN PENSO QUE
OS PREZOS QUE SE VIRON
HAI ANO E MEDIO NON
SON OS NORMAIS PARA O
SECTOR”
Controlar que o leite que entra o faga
nunhas condicións axeitadas. Isto é
algo acordado entre todas as comunidades
autónomas, porque non o pode
facer unha soa, loxicamente. Hai que
incrementar estes controis. Pero, dito
isto, o principal problema que temos é
que a industria e a produción cheguen
a un acordo de estabilidade. En España
ten que entrar leite de fóra, nós
producimos arredor de 6 millóns de
litros e consumimos 9 millóns. O reto,
e non parece que sexa tan complicado,
é que entre o que fai falta e non máis.
_Falando de acordos, ¿a Xunta pode
exercer unha arbitraxe entre os produtores
e a industria?
_A Xunta pode actuar para facilitar a
interlocución, pero os interlocutores
teñen que ser eles, e os acordos téñenos
que tomar entre eles. Eu penso que estes
mecanismos de acordo teñen que
facerse a nivel do conxunto do Estado,
porque se non, non van ser eficaces.
Cando estiven antonte en Madrid,
reuníndome co secretario de Estado,
formuleille a necesidade de reunir a
Interprofesional Láctea con urxencia
para tratar de forzalos dalgunha maneira
a chegar a acordos. Os fracasos
do pasado non deben desanimarnos
para tratar de seguir perseguindo eses
acordos.
_Vostede coñece o Ministerio, polo
que se supón que vai poder ter unha
interlocución bastante áxil, independentemente
das diferencias partidistas.
_As persoas son importantes, pero
son máis importantes as actitudes e os
convencementos, e eu estou convencido
de que o mellor para o agro galego
é que a Xunta e o Goberno central
traballen na mesma dirección. Nós
imos intentar que sexa así. Fraco favor
se lle faría aos gandeiros galegos se se
utilizaran as políticas agrarias como
unha arma arreboladiza entre as dúas
administracións. Pola nosa parte, desde
logo, non vai ser así.
_¿Vai reformular dalgunha maneira a
composición da Mesa do Leite, para
que ademais dos sindicatos estean
presentes outros colectivos representativos
do sector?
_É un aspecto que temos que tratar na
propia Mesa. Non teño unha posición
a priori a respecto deso. Quen teña
que estar, estará. A Mesa é do sector e
é o sector o que ten que decidir.
_Volvendo ao de antes, véxoo convencido
de que vai seguir habendo
lugar para o leite galego nun contexto
global e de mercados emerxentes.
_Estou perfectamente convencido de
que ten que haber lugar para o leite
galego. Non sería lóxico que non fose
así. Sei que hai outras zonas produtoras
cunhas condicións que lles permiten
producir máis barato ou nunhas
condicións diferentes, pero tamén hai
custos de transporte e elementos que
teñen que ver coa propia cultura e cos
procesos de elaboración. Polo tanto,
hai sitio para todos. O que debemos
ter claro é que temos que traballar
máis na mellora da calidade, diferenciación
de produtos e produtos con
valor engadido. Ese ten que ser o noso
norte.
_Atopa un sector ben distinto ao que
existía cando vostede facía saneamento
gandeiro, a finais dos 80.
_A verdade é que cambiou moito, a
modernización do campo en Galicia
nos últimos 20 anos é realmente impresionante.
Non se parece absolutamente
en nada ao que era hai 20 anos,
e eso é un mérito dos gandeiros e os
agricultores. Aínda se ten moitas veces
a imaxe do agricultor pouco preparado
e en pequenas explotacións, cando
a realidade é outra. Hoxe, por exemplo,
vou visitar Fontao, que é un centro
punteiro a nivel mundial. Hai algo máis
de 20 anos, cando eu empecei a miña
vida profesional aquí en Lugo, importabamos
seme de todas partes, había
que ir buscalo a Canadá, a Francia...
Agora somos nós os que lle vendemos
a medio mundo. Iso é un exemplo de
que sabemos facer as cousas tan ben ou
mellor ca calquera.
AFRIGA ANO XV - Nº 80