afriga - Transmedia 2009

ADMINISTRACIÓN 23
“EN ESPAÑA TEN QUE ENTRAR LEITE DE FÓRA, PORQUE NÓS PRODUCIMOS ARREDOR
DE 6 MILLÓNS DE LITROS E CONSUMIMOS 9 MILLÓNS. O RETO, E NON PARECE QUE
SEXA TAN COMPLICADO, É QUE ENTRE O QUE FAI FALTA E NON MÁIS”
Cando se recupere a situación económica,
os prezos mellorarán. Pero
tamén lle digo que non penso que os
prezos que se viron hai ano e medio
sexan os prezos normais para o sector.
O que pasou hai ano e medio non foi
bo para o sector, foi anormal, e este
sistema pendular de prezos non é bo
para industria nin para o produtor.
_¿Despois do 2015 a situación pode
ser peor?
_Despois do 2015 parece que se van
eliminar as cotas lácteas, aínda que
isto non é definitivo. O regulamento
que prevé esta supresión, aprobado o
ano pasado, contempla unha revisión
no ano 2010 e outra no ano 2012. Se
realmente se eliminan as cotas lácteas,
Galicia terá que competir en condicións
similares ás do resto de Europa,
e creo que a gandería de produción de
leite de Galicia pode ser perfectamente
competitiva. Ata agora tivemos un
lastre tremendo cunhas cotas que non
permitían producir libremente, e hai
que ter en conta que os produtores de
leite galegos teñen unha preparación
profesional alomenos similar á dos demais
europeos. Saben producir leite de
calidade, desde o punto de vista hixiénico
e desde todos os demais puntos
de vista. Galicia ten unhas condicións
naturais moi boas para a produción de
leite.
_Temos o problema da base territorial.
_Temos ese problema, que hai que ir
resolvendo. Os gandeiros teñen que
concienciarse de que é un dos principais
problemas, pero eu confío que
podemos ser perfectamente competitivos
nun contexto europeo.
_¿Que van facer vostedes co Banco
de Terras?
_O Banco de Terras teremos que examinalo,
melloralo e facer que funcione.
Eu penso que pode ser un instrumento
interesante. Non temos ningún
prexuízo cara a el, pero non ten que ser
intervencionista, simplemente facilitar
o movemento de terras non aproveitadas
a favor dos que o necesiten.
_Nunha enquisa feita este ano na
Mostra de Muimenta, os produtores
coincidiron en sinalar como un dos
principais problemas do sector a entrada
de leite foráneo.
_Eu penso que á Administración correspóndelle,
en primeiro lugar, un labor
de control.
AFRIGA ANO XV - Nº 80