afriga - Transmedia 2009

22
ADMINISTRACIÓN
_Entendo que está ao corrente de
que hai axudas dos últimos anos que
aínda non se cobraron, por conceptos
como a incorporación de mozos
á actividade agraria.
_Efectivamente, hai axudas pendentes
de pagar. Desde que asumimos
a Consellería estamos tratando de
revisar o que hai pendente e pagalo
rapidamente. Antes incluso que
adiantar cartos temos que pagar o
que se debe, iso é o lóxico, e estamos
a traballar todo o rápido que podemos
nesta materia. Calculamos que
hai 6 millóns de euros pendentes de
pagar en todos os conceptos. Hai que
ter en conta que isto esixe un esforzo
non pequeno por parte da facenda da
Comunidade Autónoma, porque os
pagos fanse por orde de entrada e as
arcas da Comunidade teñen un furado
importante. Entón, poñer estes
pagos por diante é un esforzo importante
de tesourería.
_¿A Consellería vai poder implicarse
dalgún xeito no ERE da planta de
Pascual en Outeiro de Rei?
_A Consellería está implicada sempre
cando hai un problema no sector,
pero este tipo de decisións son empresariais.
A Xunta pode axudar a que
esta decisión dorosa non se produza,
se é posible. Se ten que producirse
porque a empresa así o decide e non
ve outra alternativa, trataremos de
apoiar todas as iniciativas que poidan
xurdir para manter a planta en funcionamento,
estaremos abertos a todas.
Pero, evidentemente, a Administración
non pode tomar decisións que
son das empresas. A información que
eu teño é que Pascual está aínda considerando
opcións. A que a nós nos
comunicaron foi a redución da actividade,
e incluso buscar un comprador
para a planta de Outeiro de Rei. Eu
confío que a empresa nos teña ao corrente,
comprometeuse a iso.
_O mapa da industria láctea en
Galicia, onde só hai unha empresa
de capital galego e o resto son foráneas,
¿non é moi inestable para o
produtor?
_Eu penso que o sector lácteo, no
conxunto de España en xeral, non ten
a mellor situación. Non é todo o forte
que nos gustaría que fora. Estas crises
cíclicas, estas ondas de prezos altos
e baixos, coa situación deficitaria de
“PASCUAL
COMPROMETEUSE A
TERNOS AO CORRENTE
DO QUE FAGA. NÓS
TRATAREMOS DE APOIAR
TODAS AS INICIATIVAS
QUE POIDAN XURDIR
PARA MANTER A PLANTA
DE OUTEIRO DE REI EN
FUNCIONAMENTO”
produción que ten o noso país, leva a
que o sector estea exposto á competencia
das empresas do resto de Europa.
No conxunto de España sería necesario
artellar un plan estratéxico para a
industria, para unha reestruturación
da industria láctea a longo prazo.
_A súas declaracións recentes apuntan
a que a Xunta non debe promover
a creación dun grupo lácteo galego.
_Eu dixen repetidas veces que a Administración
non está para promover
e liderar iniciativas empresariais,
senón para poñer as condicións para
que as empresas e as cooperativas
poidan desenvolver os seus proxectos
empresariais con éxito. Se xorde unha
iniciativa deste tipo, nós apoiarémola
DE PROFESIÓN, VETERINARIO
Samuel Juárez naceu en León en 1962.
Casado e con dous fillos, licenciouse en
Veterinaria pola Universidade de León
(na especialidade de Bromatoloxía,
Sanidade e Tecnoloxía dos Alimentos)
e diplomouse na Escuela Nacional de
Sanidad en Madrid.
Funcionario do Corpo Nacional Veterinario,
iniciou a súa vida profesional en
Galicia en 1988, coordinando campañas
de saneamento gandeiro da Xunta. En
1990 pasou brevemente ao Ministerio,
como xefe de sección de Sanidade Exterior
en Vigo. No 91 regresa á Xunta, onde
desempeña sucesivamente os cargos de
subdirector xeral e director xeral de Pesca
e Industrias Pesqueiras. En 1996 asumiu
o cargo de secretario xeral de Pesca Marítima
do Ministerio de Agricultura, Pesca y
Alimentación.
A carreira de Juárez deu un salto internacional
no 2002, ano en que o nomean
conselleiro de Agricultura, Pesca e Alimentación
na Embaixada de España en
Washington (EE.UU). Voltou a España no
2008, exercendo como asesor do Gabinete
do Secretario de Estado de Medio Rural
e Auga ata que Núñez Feijoo o chamou
para formar parte da nova Xunta. Malia a
súa orixe leonesa, o novo conselleiro fala
un galego moi correcto. “É que levo aquí
moitos anos”, replica.
Samuel Juárez foi distinguido coa Gran
Cruz da Orde do Mérito Pesqueiro e a
Ordre du Mérite Agricole da República
de Francia.
entusiasticamente, pero, insisto, non é
labor da Administración facer o que
lle corresponde ás empresas e cooperativas.
_A mala coxuntura de prezos parece
que vai ser unha constante, e máis
despois do 2015. ¿Vostede cre que se
aveciña unha nova época de peche de
granxas? No último ano xa cesaron
máis de 1.000.
_Eu creo que a situación actual é principalmente
froito da crise económica,
que fixo que a demanda caera en
todo o mundo. Zonas de produción
excedentaria, como é Europa, teñen
dificultades para colocar os seus excedentes,
o que repercute nos prezos do
mercado interno europeo.
AFRIGA ANO XV - Nº 80