afriga - Transmedia 2009

ADMINISTRACIÓN 21
“A CONSELLERÍA
ESTENDERÁ DOCUMENTOS
PARA QUE OS PRODUTORES
POIDAN COBRAR O
ADIANTO DO 90% DAS
AXUDAS DA PAC A PARTIR
DE PRIMEIROS DE XUÑO”
_O que anunciou o presidente da
Xunta foi unha medida coxuntural
para resolver a curto prazo o problema
de liquidez que teñen moitas explotacións,
dentro da escasa marxe
que deixa a normativa comunitaria de
axudas. Esta medida vai inxectar unha
liquidez importante no sector. A discrepancia
co Ministerio non é tal, eu
estiven alí antonte (13 de maio) e penso
que foi un malentendido. O Ministerio
quizais se precipitou en chamar
a atención sobre ese asunto, porque é
verdade que o pagamento único non
se pode facer ata despois do 1 de decembro,
pero o que se está a facer agora
é artellar coas entidades financeiras
un préstamo ao produtor sen intereses,
polo que poderá percibir o 90% deste
pagamento agora a conta do que percibirá
despois. Esto é perfectamente
legal e non ten ningún problema de
axuste na normativa.
_¿Cal será o prazo de cobro?
_Temos xa moi avanzado un convenio
coas entidades financeiras, imos
empezar polas que traballan máis cos
gandeiros e sumaremos todas as que
queiran unirse. Esperamos que a principios
de xuño xa estea este convenio
en marcha. A Consellería estenderá
un documento onde se certifica que
un gandeiro ten dereito a esa axuda, a
entidade financieira vaille adiantar os
cartos e a Xunta asume os intereses.
_Falaron tamén de subsidiar créditos
para as explotacións.
_Si. Estamos a traballar co IGAPE
nunha liña de liquidez para circulante
a baixo custo para as explotacións,
para tratar de mellorar tamén o financiamento
dos que o necesiten.
AFRIGA ANO XV - Nº 80