afriga - Transmedia 2009

20
ADMINISTRACIÓN
SAMUEL JUÁREZ, CONSELLEIRO DO MEDIO RURAL
“OS ACORDOS ENTRE PRODUTORES E
INDUSTRIA TEÑEN QUE FACERSE A NIVEL DE
ESTADO PARA QUE SEXAN EFICACES”
O novo conselleiro do Medio Rural, Samuel Juárez (León, 1962), recibiu á revista AFRIGA
o pasado 15 de maio en Lugo, só dous días despois de visitar en Madrid o Ministerio de
Medio Ambiente y Medio Rural y Marino. Juárez promete o adianto inminente das axudas
da PAC, a subsidiación de créditos bancarios e o pagamento das axudas pendentes de
cobro dos últimos anos, que suman, afirma, 6 millóns de euros.
Juárez sostén que o sector lácteo galego
vai superar a difícil situación actual e
conseguir un oco nun mercado cada vez
máis global. O novo conselleiro comprométese
a impulsar o diálogo entre industria
e produtores, que na súa opinión
debe producirse a nivel de Estado.
_Asume vostede o cargo nun momento
moi difícil para o sector lácteo,
onde parece que se está a instalar
un clima psicolóxico de temor.
_Loxicamente, hai moita preocupación
porque o mercado está nun
momento moi difícil. Os prezos están
baixos e os custos de explotación
aumentaron de forma significativa,
sobre todo os de alimentación. Ademais,
hai un momento de crise económica
xeralizada tremendamente
grave. Non só se está producindo
unha caída do valor do leite, senón
que por primeira vez está caendo
tamén o volume de produción. Hai
moitos fogares onde xa se está empezando
a aforrar incluso en produtos
básicos.
_O presidente da Xunta anunciou
que se lles adiantarán aos produtores
de leite os 70 millóns das
axudas da PAC en xuño. A ministra,
sen embargo, indicou que ata
outubro non se poderían facer eses
adiantos.
AFRIGA ANO XV - Nº 80