afriga - Transmedia 2009

18
PRODUCIÓN
MANUEL PETEIRA FERNÁNDEZ
Gandería: SAT Peteira
Concello: Castro de Rei
Vacas en lactación: 90
AQUILINO RODRÍGUEZ LÓPEZ
Gandería: Purutu S.C.
Concello: Chantada
Vacas en lactación: 35
“SE OS GANDEIROS FALLAMOS, VANSE
PERDER MOITOS POSTOS DE TRABALLO”
“A POLÍTICA PRIORITARIA É CONSEGUIR O
FAMOSO CONTRATO HOMOLOGADO”
1. O Banco de Terras é
unha boa cousa. Prohibir
plantar árbores
en zonas agrícolas
tamén estivo moi ben.
Os contratos de prezos
están ben na teoría,
pero as fábricas non
os respectan. E non
hai un prezo mínimo
obrigatorio.
2. A nova consellería
ten que mirar polo
noso futuro, porque se
os gandeiros fallamos
vanse perder moitos
postos de traballo. Hai
que facer unha mesa
interprofesional láctea,
para ter uns prezos
dignos e poder vivir
do que vivimos toda a
vida. Deberían conservar
o Banco de Terras,
que de momento non
está funcionando moito,
pero hai que darlle
tempo e pode chegar a
funcionar.
1. O Banco de Terras
empezou, pero había
que melloralo moito.
Eu creo que era mellor
o sistema de concentración
parcelaria, que
polo menos xuntaba e
unificaba a terra. Se
tes unha finca grande,
aproveitas para facer
un pastoreo en condicións.
O Banco de Terras
podería ter futuro
en zonas onde quede a
terra abandonada, pero
non é o caso na nosa
zona. Os contratos de
prezos... Teriamos que
saber máis ou menos
o que imos cobrar polo
que estamos producindo,
aínda que oscilara
un pouquiño, pero non
as oscilacións que
temos nestes momentos.
Algunha xente
asinounos hai pouco,
nós aínda non o asinamos
con ningunha
industria. Nós estamos
na cooperativa ICOS
e estamos cobrando o
quilo, incluíndo calidades,
a 48 céntimos
(con 3,86 de graxa,
3,30 en proteína e leite
certificado). Aínda así,
non cubrimos. Temos
cota financiada e hai
que pagala, non se
lle dá feito frente ós
créditos.
2. A política prioritaria
é conseguir o
famoso contrato homologado,
que parece
que está aí. E tamén
poñer en marcha
unhas liñas de axudas
ás explotacións
que teñen continuidade,
para favorecer
o relevo xeracional.
Hai que facer un
control das axudas e
que vaian destinadas
realmente a quen vive
no sector. Que o que
recibe a axuda estea
efectivamente na
explotación durante o
período de tempo que
se estableza.
VANESSA CARRO
Gandería: SAT Casanova
Concello: Mesía
Vacas en lactación: 105
PAULI GONZÁLEZ
Gandería: Pauli
Concello: Silleda
Vacas en lactación: 32
“O MÁIS URXENTE É PARAR A ENTRADA
DE LEITE DE FÓRA”
1. O Banco de Terras
debería conservarse,
para non estar as
terras abandonadas
como estaban ata
agora. Na nosa zona
empezou a verse algo,
o que pasa é que a
maioría das terras que
foron para o Banco son
montes ou brañas e é
imposible entrar nelas
para traballar. A promoción
de axudas aos
novos para que queden
no rural tamén me parece
ben, pero na miña
zona non vin a ninguén
que as pedira.
2. O máis urxente é
parar a entrada de
leite de fóra. Na nosa
zona nótase moito, hai
xa varias explotacións
ás que deixaron de
recollerlles o leite.
Buscaron outros compradores,
pero pagan
uns prezos moi baixos.
Unha das solucións
para resolver o tema
dos prezos é non deixar
entrar leite de fóra.
“SERÍA INTERESANTE FACER EN GALICIA
UNHA INDUSTRIA POTENTE QUE
TRANSFORME O LEITE”
1. Nada, hai que
reestruturalo todo. O
Banco de Terras, na
nosa zona non funciona.
¿Outras cousas, a
Mesa do Leite? A Mesa
do Leite é un órgano
que non creo que nos
represente ben aos
gandeiros.
2. Hai que controlar
a entrada de leite
de fóra, polo menos
producir o que consumimos,
como mínimo.
Ademais, eu opino que
o leite que vén de fóra
non é moi bo. Poñer un
prezo mínimo vai ser
máis difícil, pero polo
menos ter garantida
unha mínima marxe
de ganancia. Na nosa
zona estamos cobrando
pouco máis de 35
céntimos, e prevese
que baixe. Tamén sería
interesante facer en
Galicia unha industria
potente que transformara
o leite en iogures
e queixos. Se en vez de
levar 10 camións de
leite líquido a Valladolid
levamos un de
queixos, rendería máis.
AFRIGA ANO XV - Nº 80