afriga - Transmedia 2009

16
PRODUCIÓN
OS PRODUTORES OPINAN:
RELEVO NA XUNTA
1. QUE POLÍTICAS DA ANTERIOR CONSELLERÍA DO MEDIO RURAL DEBERÍA CONSERVAR O
NOVO GOBERNO?
2. CALES SON AS POLÍTICAS MÁIS URXENTES EN RELACIÓN Á PRODUCIÓN DE LEITE?
JESÚS LÓPEZ CARBALLO
Gandería: Pernas (SAT Xercas)
Concello: Xermade
Vacas en lactación: 80
JOSÉ VEIGA MASEDA
Gandería: SAT Veigueiro
Concello: Barreiros
Vacas en lactación: 120
“AOS PRODUTORES BÁIXANNOS
OS PREZOS CADA MES, PERO NOS
SUPERMERCADOS MANTÉÑENOS”
1. O Banco de Terras
sería fundamental, xa
que non seguen adiante
as concentracións
parcelarias. Ata agora
non se pode opinar
moito del porque está
empezando. Eu creo
que funcionaría. Había
moito medo nas aldeas
a arrendar as parcelas,
dicíase que non se
poderían recuperar. Os
contratos coas industrias
son outra cousa
que está empezando,
nós asinámolo 15 días
antes das eleccións.
Se levara dous anos
veríase algo, pero con
este breve período de
antelación non. Eu
penso que todas as
cousas que se fixeron
foron para mellorar,
unhas funcionarán
máis rápido e outras
serán máis lentas.
2. Estamos chegando
a un tope que por
algún sitio ten que
romper. Aos produtores
báixannos os prezos
todos os meses e nos
supermercados está
a manterse, así que
por algún lado vai o
beneficio. É necesario
que teñamos un prezo
orientativo para poder
vivir, a este ritmo é
imposible.
“A PRIMEIRA COUSA QUE HAI QUE FACER
É PARALIZAR A ENTRADA DE LEITE DE
FÓRA”
1. Non sei que hai que
conservar algunha
política de ninguén,
porque levamos uns
anos que non funciona
ningunha. Nin o BNG,
nin o PP nin o PSOE,
é todo parecido. Os
gandeiros estivemos
en crise toda a vida.
¿Algo positivo? Do
Banco de Terras non
teño remota idea,
porque na nosa zona
non existiu. Os contratos
coas industrias
eu víaos ben se lle
puxeran un prezo
mínimo ao leite. E que
tivera un valor, porque
moitas veces asínase
o contrato e aos catro
días desaparece.
2. A primeira cousa
que hai que facer é
paralizar a entrada de
leite de fóra mentres
non se consuma o que
hai aquí. E poñerlle ao
leite un prezo do que
poidamos vivir, non ter
que estar na miseria,
traballando 365 días
sen cobrar. Levamos
moitos anos pensando
que as cousas van
cambiar, e cambian
pero para peor. Eu vexo
que os políticos funcionan
todos co mesmo
sistema.
AFRIGA ANO XV - Nº 80