Descarga en formato PDF (4 MB) - Centro Ramón Piñeiro para a ...

Día a día ofrecías ós astros tutelares
os momentos tecidos co fío das herdanzas
A terra. A dona. Os fillos
Facíalo en silencio
E ás veces entre o silencio e a palabra
O valor ontolóxico da sombra
polo silencio Pimentel clamaba
E Rilke debatíase en silencio
Ante o medo inefable da tenrura intacta.
O silencio da sombra en Rosalía…
Como un anxo loitabas…
Era todo tan triste: o medo
á guerra. A morte
E Tui era tan tenra…
Unha arela infinita de consumar
a vida en aras de Galicia
Non era pola gloria
A terra. A dona. Os fillos. Todo viña na alma.
Era todo tan triste
Todo tan vulnerable
Afastado da sombra como un anxo loitabas…
Xa daquela mirabas no horizonte
unha Sombra moi ácida…
210