Manuel LugrÃs Freire. Edición e análise literaria. - Centro Ramón ...
Manuel LugrÃs Freire. Edición e análise literaria. - Centro Ramón ...
Manuel LugrÃs Freire. Edición e análise literaria. - Centro Ramón ...
Create successful ePaper yourself
Turn your PDF publications into a flip-book with our unique Google optimized e-Paper software.
Xabier Campos Villar<br />
Un lóstrego alumou de súpeto o desencaixado carís<br />
do home aquil. A lúa cubreuse novamente de nubes, e o trono<br />
deixou ouvir o seu ronco bruído como si fora a fala de Dios que<br />
reprendía aquil crime.<br />
Unha narración que emula o relato bíblico da morte de Cristo.<br />
No capítulo III prodúcese a única analepse de O penedo do crime,<br />
trátase do relato dos antecedentes de Marica e Mingos; a orfandade<br />
común, o namoramento de ambos, o engano, o embarazo non<br />
desexado, etc. Desa elipse que queda sen cubrir, o único dato que<br />
nos achega o narrador é o casamento de Marica e Mingos, así como<br />
os remorsos do pasado que os abouban e a nostalxia do fillo que cren<br />
perdido.<br />
O capítulo V comeza cunha nova precisión temporal:<br />
Era a hora da lusque-fusque dun día triste de Outono;<br />
dun deses días melancónicos en que se xuntan na testa tódalas<br />
lembranzas do pasado misturadas coas esperanzas do porvir.<br />
Neste ambiente conversan Marica e Xuana sobre os posibles herdeiros<br />
do matrimonio, e aparecen por primeira vez, neste caso só citados,<br />
os nomes de <strong>Manuel</strong> e Rosa, que á fin serán os dous adolescentes<br />
protagonistas centrais da novela. A profundización descritiva destes<br />
dous personaxes chega no capítulo seguinte, no que o narrador fai<br />
uso dunha imprecisión temporal para comentar os amores de <strong>Manuel</strong><br />
e Rosa: “había algún tempo que se viran nun campón”.<br />
Os capítulos V, VI, VII e VIII transcorren nun mesmo día, o ritmo<br />
da novela ralentízase de feito que o tempo da historia avanza máis<br />
lentamente que o tempo do discurso, algo que chegan a percibir os<br />
propios personaxes; “cada minuto que corría parecíalle un sígalo” é a<br />
sensación de Rosa mentres agarda a visita do seu amado. Nestes episodios<br />
prodúcese a oposición de Mingos a que Rosa continúe a súa<br />
relación con <strong>Manuel</strong>, o que provoca o desconsolo da rapaza, a tentativa<br />
de impoñerlle como parella ao seu sobriño Alixandre, que ela rexeita,<br />
e o enfrontamento entre os dous pretendentes masculinos, que<br />
tamén ocorre aproveitando a escuridade da noite nas ribeiras de Corbeiroa,<br />
e que supón o segundo dos momentos climáticos da novela.<br />
45