Manuel LugrÃs Freire. Edición e análise literaria. - Centro Ramón ...
Manuel LugrÃs Freire. Edición e análise literaria. - Centro Ramón ...
Manuel LugrÃs Freire. Edición e análise literaria. - Centro Ramón ...
Create successful ePaper yourself
Turn your PDF publications into a flip-book with our unique Google optimized e-Paper software.
Xabier Campos Villar<br />
Un mariñeiro da tripulación perguntoulle a outro:<br />
—¡Ei ti, Carrizo! ¿que quer dicir eso de fillos de Satán<br />
—Home, eu teño para min que é un aldraxe para nós; como se<br />
nos dixeran fillos de...<br />
—¡Mala sentella os coma...!<br />
E a longas zancadas foi onda o músico, arrincoulle das mans o<br />
acordeón, que tirou ó mar con tódalas forzas que tiña. Como o estormento<br />
levaba collida unha tecla, foi xemendo polo aire como se lle<br />
arrincaran unha moa, e esmendrellouse nas augas.<br />
¡Virxe do Carme, a que alí se armou! Ao viaxante Miguel, no<br />
medio dalquel rebumbio, arrempuxárono e quedou guindado na<br />
barandilla cos pés asolagados no mar, e tiveron que metelo dentro<br />
como se fora pesca maior.<br />
Chegaron ó muelle de Vigo. Máis de duascentas regateiras do<br />
Berbés, cos mandiles recollidos e cheos de pedras, baduaban en terra<br />
ollando para o vapor.<br />
O viaxante colleu as dúas maletas, a da roupa e a da folla de lata;<br />
e aínda non afincara os pés en terra, en compaña da catalana, deron as<br />
regateiras un resoante ¡Viva la Virgen! e comenzaron a chover sobre del<br />
coios a vao. Ceibou as maletas enriba do muro, e meteuse outra vez no<br />
vapor, agachándose para que o defendera a obra morta. A catalana fixo<br />
o mesmo poñéndose a catro patas, para máis seguranza. A condanada<br />
chuvia dos croios seguía zombando no costado do barco, namentras en<br />
terra berraban aquelas boas mulleres cun torgo dino de mellor causa:<br />
—¡Abaixo os protestantes! ¡Viva la Virgen!<br />
Unha regateira, alritada e descomposta coma unha lurpia, colleu<br />
a maleta da roupa, esgazouna e tirouna no mar, escupindo despois<br />
como se fose cousa abafada; fixo o mesmo coa das muestras, e dixo:<br />
—Velaí van os libros herexes... ¡malo mar os trague!<br />
A guardia municipal veu a poñer orde nas desaforadas mulleres,<br />
e, despois de grande traballo, desembarcou o viaxante entre unha fileira<br />
de regateiras que o miraban feramente, dicíndolle: —¡Galopín, larpeiro,<br />
protestante, xa te comerán os demos do inferno!<br />
167