Manuel LugrÃs Freire. Edición e análise literaria. - Centro Ramón ...
Manuel LugrÃs Freire. Edición e análise literaria. - Centro Ramón ...
Manuel LugrÃs Freire. Edición e análise literaria. - Centro Ramón ...
Create successful ePaper yourself
Turn your PDF publications into a flip-book with our unique Google optimized e-Paper software.
Xabier Campos Villar<br />
para o noso contentamento e solaz. A cabeleira de Licia, da cor do<br />
ouro fino, encrenchada como a dunha santiña, os seus ollos azús, a súa<br />
cor branca coma a neve; as súas meixelas que parecen follas de rosa<br />
vermella a medio tinxire... ¿Non che parecen bonitas, non a fan verdadeiramente<br />
feiticeira, non lle dan semellanza coa mesma virxe Eu<br />
digo que me teñen ameigado os seus dicires, a súa melosiña fala, fala<br />
das fadas, que ten nos seus labios a dozura do mel, a música dos ceos,<br />
os esmorecimentos do amor. ¿E cando polo serán entoa o alalalaa<br />
¿Quen pode soñar cántiga máis branda, fonda e sentida Non che<br />
pareza mal, amigo Toribio. Ti estás botado a perder, cando desa<br />
maneira te esquences das condiciós que teñen as nosas quiridas nais,<br />
que levan dentro o santo espíritu de Licia. Eu teño para min que non<br />
é certo de que a queiras, que inda que tivese algún defecto debíache<br />
de ser agradabre, pois o amor é un sol que dá fermosura a todo aquelo<br />
que o corazón agarima querendosamente.<br />
Neste momento Licia cortou unha das frores máis garrida e roxa,<br />
e subíndose a un asentadeiro que había a carón da muralla, guindouna<br />
entre dos dous mozos. Estes quedaron atónetos ó ve–lo lindo rostro<br />
de Licia, ridente coma unha aurora que asomaba por entre das froridas<br />
enredadeiras.<br />
—¿Para quen é esta fror —preguntaron os dous mozos.<br />
—Para ti, meu querido Pauliños; para ti, que me queres tal coma<br />
eu son. Ti serás o meu compañeiro, o amado eterno do meu corazón,<br />
o dono do meu porvir.<br />
149