LINDEIROS 21 FEBREIRO 2015

febreiro 2015 novas da bisbarra 9
Piden que o
Consorcio
subvencione
o illamento
das vivendas
da Cidade
histórica
O BNG pensa que
pode resolver o
conflito sobre a
programación de
música ao vivo
O portavoz do grupo municipal
nacionalista, Rubén Cela,
expuxo en rolda de prensa unha
proposta que o BNG trasladará
ao Consorcio da Cidade para
que subvencione nun 90% a
substitución de ventás na Cidade
histórica co fin de contribuír ao
illamento sonoro e térmico que
contribúa a minimizar o ruído.
Rubén Cela demandoulle ao
grupo de Goberno de Santiago
que teña unha “actitude moito
máis proactiva na busca dunha
solución ao conflito existente
no marco da programación de
música ao vivo en Santiago de
Compostela”. Nos últimos meses
o BNG reuniuse con veciños
particulares, co asociacionismo
veciñal da Cidade histórica, con
representantes da industria cultural
e dos músicos de Santiago
e tamén do tecido da hostalería
nocturna. “Do resultado desas
conversas, reafirmámonos en
que o Concello de Santiago ten
que arbitrar unha saída razoábel
a este conflito que permita compaxinar
o dereito da veciñanza
a poder descansar cunha programación
cultural que inclúa
música ao vivo á altura dunha
cidade coas características de
Compostela”, dixo.
Fontes: BNG Compostela, Lindeiros.
Denuncian o abandono do
barrio da Almáciga
O Psoe esixe que se respecte o proxecto
Urbana Norte
O voceiro do grupo municipal
socialista, Paco Reyes, visitou as
inmediacións do parque da Almáciga
xunto a representantes
veciñais do barrio, que lamentan
que o goberno de Agustín Hernández
estea a facer cambios
no proxecto Urbana Norte para
este barrio sen contar con eles.
O voceiro socialista denunciou
que o goberno do PP “desnaturalice”
o proxecto, incumprindo
o anteproxecto que tiña o visto
e prace dos veciños e non explique
“a onde vai o investimento
que ía ter este barrio”. Puxo
como exemplo a desaparición
do corredor que estaba deseñado
“para non ter que atravesar
o centro sociocultural cada vez
que alguén queira acceder ás
hortas urbanas”. “O barrio está
abandonado polo Concello,
hai dous días puxeron luz no
parque despois de tres meses a
escuras”, explicou Paco Reyes.
O presidente da asociación de
veciños da Almáciga, Santiago
Martínez, dixo “non entender”
como estaba a quedar o parque
e a zona do que serán hortas
urbanas, “cun terraplén perigoso”.
“Hai unhas escaleiras que
non chegan a ningún lado, na
rúa Vagalume está todo levantado
desde hai tempo e o parque
tamén, as árbores sen podar...
Na rúa Escultor Asorey “hai
problemas para acceder a algúns
garaxes”, elimináronse as
escaleiras da igrexa... Tamén
considera “inaceptable” que se
dividan as rúas que entran no
proxecto de xeito que unhas levan
asfalto e outras formigón e
reclama que se repoñan as barandas
en Escultor Asorey, para
subir e baixar por mor do desnivel
da costa. “O que pedimos
é que antes de facer as cousas
falen connosco, estamos abandonados”,
incidiu Martínez,
“porque esta non é a maneira de
proceder dun Concello”.
Fontes: Psoe Santiago, Lindeiros.
Denuncian a falta de
información sobre a
Carreira do Conde
Esquerda Unida di que a xestión é
incompetente
EU Compostela critica duramente
a xestión do concello
nas obras da Carreira do Conde;
considera inadmisible a falta de
información de cara os veciños
que teñen dereito a coñecer con
anticipación que reformas se farán
no seu barrio.
EU pon como exemplo que
para eles primeiro teríase que
facer un plan de mobilidade
para o ensanche antes de peatonalizar
unha rúa e se preguntan
quen tomou a decisión e con
quen consultou. A crítica ven
tamén pola parte económica xa
que esquerda Unida considera
que os 600.000 euros que custará
a reforma deberían empregarse
en outras moitas obras que
son necesarias por seguridade e
non por estética.
Fonte:s Esquerda unida Santiago,
Lindeiros.
Aprobado o Plan especial
do Parque Arqueolóxico
do Castelo da Rocha
Ten como obxectivo a recuperación e posta
en valor dos restos do castelo
A Corporación municipal
aprobou definitivamente e por
unanimidade o plan especial de
protección e acondicionamento
do parque arqueolóxico da Rocha
(PE-7R). Este documento,
formulado polo Consorcio de
Santiago, ten como obxectivo
a recuperación e posta en valor
dos restos do castelo e dos elementos
asociados, coa creación
dun parque arqueolóxico no que
se permita a observación, análise
e estudo dos devanditos bens
culturais.
Contémplase un programa
a seguir que inclúe a organización
de accesos, as áreas de
recepción e a organización e
integración de áreas estanciais.
Así, na área cualificada como
dotacional permitirase a edificación
nunha ocupación igual ao
10% da superficie e unha altura
máxima de baixo e unha planta,
respectando o sistema de muros
perimetrais existente.
Este plan especial propón a
ampliación do ámbito delimitado
polo Plan Xeral de Ordenación
Municipal (PXOM),
incorporando os terreos situados
na marxe norte do regato
do Vilar, no tramo comprendido
entre a vía férrea e a desembocadura
do río Sar, co obxectivo
de salvar o noiro existente e
crear unha senda paralela ao regato,
sen afectar aos restos da
canle do muíño, ás terrazas e
ao arborado existente. Tamén se
incorporan os terreos situados
na marxe leste do río Sar, co fin
de recuperar o trazado do antigo
camiño de Escorredía, que se
estima máis idóneo que o fixado
polo PXOM para garantir a accesibilidade
peonil ao parque e
a súa conexión co Camiño Portugués
e co castriño de Conxo.
Fontes: concello de Santiago,
Lindeiros.
Preguntoiro, 19 - SANTIAGO
Praza da Pescadería Vella, 3 - SANTIAGO