LINDEIROS 21 FEBREIRO 2015

febreiro 2015 novas da bisbarra 7
Licítase o punto limpo de Frades e Mesía
O prazo de execución é de catro meses
A Consellería de Medio, Territorio
e Infraestruturas sacou
a licitado a construción o Punto
Limpo que dará servizo a Frade
e Mesía, dous concellos que
por separado non xustificaban
a construción da infraestructura;
o investimento superará os
260.000 euros e unha vez posto
en marcha a súa xestión correrá
a cargo dos concellos.
O punto limpo estará situado
no lugar de Abeceira, na parroquia
de Céltigos, pertencente
a Frades pero moi próximo ao
limite con Mesía polo que facilitará
o acceso dos veciños de
ambos municipios.
O recinto contará cos habituais
colectores para papel, téxtil,
disolventes, vidro ou pezas
eléctricas e electrónicas pero
ademais terá un recinto pechado
para os plásticos agrícolas, algo
de especial importancia nunha
zona con gran actividade agrícola
e gandeira.
A Consellería foi a encargada
de elaborar o proxecto que agora
se licita e unha vez terminada
a obra, a instalación será cedida
aos concellos.
Fontes: concello de Frades,
Consellería de Medio Ambente,
Lindeiros, Lindeiros.
Lugar donde se instalará o punto limpo. Foto: concello de Frades
A Xunta traballa nos
carrís bicis e sendas
peonís da comarca
Comezou a redacción dos proxectos para a
posta en marcha de estas vías
O obxetivo do contrato licitado
en xaneiro e analizar o estado
das sendas peonís e ciclistas na
bisbarra de Compostela e as posibles
rutas de este tipo a crear, o
fin último é o impulso de medios
de transporte e viais alternativos.
A área de estudio centrarase
na comarca de Santiago, formada
polos seguintes concellos:
Ames, Boqueixón, Brión,
Santiago de Compostela, Teo,
Val do Dubra e Vedra, polo que
o contratos licitado no día de
hoxe suporá un beneficio para os
máis de 500.000 habitantes desta
comarca.
Mediante o estudo analizarse
a situación actual en relación ás
sendas peonís e/ou ciclistas na
rede de estradas autonómica, e
se proporán actuacións concretas
para favorecer unha mobilidade
urbana e interurbana mais
sostibles; de xeito especial, analizarase
a execución de sendas que
permitan unha conexión urbana
– rural para evitar a utilización
do vehículo privado de curto e
medio percorrido.
O estudo inicial de identificación
de sendas centrarase en
relacionar os focos de atracción
de peóns e/ou ciclistas (incluíndo
focos de tipo comercial,
sanitario, relixioso, deportivo,
lúdico, industrial, residencial,…)
cos puntos de orixe
mais habituais; a continuación,
deduciranse as rutas peonís e/
ou ciclistas que os deberían de
unir, identificando aquelas xa
existentes, as xa planificadas,
e outras onde podería ser necesario
executar algún tipo de
senda.
O tempo para o estudo e a redacción
do proxecto e de doce
meses e ten un orzamento destinado
de 100.000 €, o estudo
finalizado servirá para definir
aplicación de 28 millóns de euros
dos fondos europeos que o
presuposto comunitario 2014-
2020 destina ao fomento da
mobilidade sostible en Galicia.
Fontes: Xunta de Galicia, Lindeiros.