LINDEIROS 21 FEBREIRO 2015

4 novas da bisbarra
A nova potabilizadora de Ames e Brión
podería funcionar antes do verán
A conselleira de Medioambente visitou as instalacións xunto cos
alcaldes de ambos concellos
A Conselleira Ethel Vázquez
visitou as obras da estación de
tratamento de auga potable que
completa o novo sistema de abastecemento
dos concellos de Ames
e Brión xunto cos rexedores Santiago
Amor e José Luís García.
As obras da nova instalación
supoñen un investimento de máis
de oito millóns de euros financiados
nun 80% pola Consellería e o
20% restante polos concellos; con
esta infraestrutura Ames e Brión
disporán por primeira vez dun
sistema de abastecemento propio
desde o río Tambre sen depender
doutras traídas, dando servizo a
42.000 habitantes. A nova ETAP
está situada preto da aldea de
Ponte Maceira e terá unha capacidade
de 175 litros por segundo;
o proxecto inclúe 12 quilómetros
de tubaxe, xa instalados na súa
totalidade, así como un deposito
de regulación e de cabeceira
de 10.000 metros cúbicos que se
conectará por gravidade e subministrará
auga cara os depósitos xa
existentes nos municipios; a nova
potabilizadora podería entrar en
funcionamento antes do verán segundo
as palabras da Conselleira.
No encontro falouse tamén da
ampliación da depuradora de Sisalde
na que se investirán máis
de 6 millóns de euros con fin de
duplicar a súa capacidade, un
proxecto que se atopa en fase de
redacción.
Fontes: Xunta de Galicia, concello de
Ames, Lindeiros
Lindeiros
A conselleira cos alcaldes na visita das instalacións. Foto: concello de Ames
Teo remata o asfaltado
da pista de Penelas
Está na parroquia de Cacheiras e era unha
constante reclamación dos veciños
A pista de Penelas foi tradicionalmente
a que o unía o lugar
cos de Raxó e Cacheiras, coa
construción da autovía fíxose
necesaria unha ponte que a xunta
comprometeuse a facer no 2007
pero para elo teríase que cambiar
a denominación de pista forestal
que aparece no PXOM e o concello
tería que asfaltala; o tema da
denominación quedou arranxado
xa que se tratou dun erro técnico
pero seguía pendente o asfaltado
que agora ven de rematarse.
O asfaltado de esta pista permitiu
a colocación dunha base
para a colocación de dous colectores
de recollida selectiva, un
verde e outro amarelo, xa que ata
agora o camión que os baleira
non podía acceder a zona.
Este tramo de pista de 600 metros
ven a completar o arranxado
hai dous anos de 700 metros, ambas
melloras fixéronse con rego
asfáltico e o custo dos asfaltados
supuxo para o concello 36.000 €.
Fontes: concello de Teo, Lindeiros.
Ültimo tramo da pista de Penelas. Foto: concello de Teo