LINDEIROS 21 FEBREIRO 2015

28 deportes
Ordes clausura o curso
federativo de monitor
de fútbol base
Regos e o vicepresidente da Federación
Galega de Fútbol foron os encargados de
entregar os diplomas
Manuel Regos, alcalde de
Ordes e presidente da Mancomunidade,
clausurou o curso de
monitor de fútbol base nivel 0
que se desenvolveu dende o pasado
mes de novembro. En total
ofertáronse 35 prazas con máis
65 horas de formación teórica e
práctica, que lles propicia a posibilidade
de expedir a licenza
federativa obrigatoria a partir da
vindeira tempada, e a validación
do bloque de prácticas do nivel
1 do curso federativo.
Regos manifestou a súa “disposición
para acoller novos
cursos deste tipo, ou calquera
iniciativa formativa no ámbito
do deporte”, ademais de felicitar
a Manuel Mosquera, director da
Escola Galega de Adestradores,
“polo gran traballo que está a
realizar”. Unhas palabras que tiveron
eco en boca de Mosquera,
que tamén sinalou as facilidades
e a boa sintonía que o ente que
preside mantén co Concello de
Ordes, “á hora de levar a cabo
iniciativas deste tipo”.
Este encontro foi o primeiro
ao que acudía o novo vicepresidente
da Federación Galega
de Fútbol, Juan Luís Villamisar.
Nel destacou a importancia que
ten a formación dos máis pequenos,
“xa que os monitores
van a extensión dos pais, e todo
o que lles poidan ensinar vai ser
vital na súa formación como
persoas”.
Lindeiros
O Millaraio campión galego de
campo a través por equipos
O logro lévaos a disputar o campionato de España no mes de marzo
O pasado domingo 26, disputouse
no circuíto de Cros de
Friol o Campionato Galego de
Campo a través por equipos,
onde o equipo cadete masculino
formado por Arturo Ramos,
Diego Alonso, Roberto Vieiro,
Hugo González e Pedro Sagastizabal
alzouse co título de
Campións Galegos por equipos
o que lles dá acceso a disputar,
por primeira vez na curta historia
do club, o Campionato de
España de campo a través por
equipos que se celebrará o 1 de
marzo en Cáceres.
Doutra banda o día anterior
na alameda de Santiago tivo
lugar a fase interprovincial escolar
de campo a través cunha
grandísima actuación do club,
logrando un total de 8 trofeos
por equipos (4 primeiros postos
e 4 segundos) conseguindo desa
forma clasificar a 8 equipos para
a fase provincial.
Se tes algo que
contar,
comunicar
denunciar
escríbe
contacto@
lindeiros.com
ou
chama ao tfno
634 747 956
COMPRO
ORO Y PLATA
Rosalía de Castro, 34
Local C - Milladoiro
Tfono: 981 533 636
Oroso acolleu un adestramento da
Selección Galega de fútbol gaélico
O equipo prepárase para o Mundial de Abu Dhabi que se celebra do 5 ao 8 de marzo
A Selección Galega de fútbol
gaélico adestrou na noite de onte
mércores no campo municipal
de fútbol de Sigüeiro (Oroso). Un
adestramento preparatorio do primeiro
Mundial desta modalidade
que se celebrará do 5 ao 8 de
marzo en Abu Dhabi.
O fútbol gaélico xógase en
equipos de 15 xogadores nunha
cancha de céspede rectangular
con porterías en forma de H a
ambos lados. O obxectivo principal
é anotar puntos pateando
ou golpeando o balón coas mans
e introducilo na portería rival. O
equipo con máis puntos ao final
do encontro gaña. Os xogadores
avanzan polo campo levando o
balón nas súas mans, pateándoo
e pasándoo entre compañeiros de
equipo.
O Concello de Oroso puxo a
disposición da Asociación Galega
de Fútbol Gaélico as instalacións
municipais de Sigüeiro para rea-
lizar este adestramento, no que
participaron un total de 30 xogadores
que se dedicaron a preparar
a que será a primeira participación
oficial dunha selección galega
nun Campionato do Mundo.
Na categoría masculina, Galicia
quedará encadrada no grupo
de Arxentina, África do sur e o
Golfo Pérsico e, a falta de confirmación,
tamén Italia, Francia
e India. Na categoría feminina
haberá un só grupo. A selección
nacional de fútbol gaélico xa ten
disputado encontros internacionais
contra Bretaña ou Irlanda,
berce deste deporte.