LINDEIROS 21 FEBREIRO 2015

febreiro 2015 deportes 27
Club de Patinaxe
Campus Estellae
Teté e Paula Otero Davila levan
case 20 anos dedicadas á
patinaxe; desde hai 5 anos teñen
o seu propio club, o Campus Stellae,
que ten máis de 100 patinadores
federados con idades que
van dos 3 aos 23 anos; compiten
na categoría de grupos show tanto
a nivel comarcal, como autonómico
ou mesmo nacional pero
ao falar con Teté ela pon sempre
por diante da competición o traballo
como equipo “o enfoque
do noso traballo non é chegar ás
clases, dar unas cantas nocións
e a adestrar, para nós esta é
unha disciplina case “de autor”;
cada detalle que poidas ver nos
patinadores, desde a roupa até a
maquillaxe, o uniforme do Club,
todo é supervisado e elaborado
coa máxima dedicación; da
mesma forma preocupámonos
de coidar aos patinadores, gústanos
a competición pero non é
o principal; queremos coñecer a
cada patinador individualmente
para poder darlle un trato acorde
ás súas necesidades e as súas
capacidades; isto levámolo a
cabo día a día tanto cos máis pequenos
como cos que levan máis
tempo connosco”.
Como en moitos dos clubs
que presentamos nestas páxinas
o Campus Stellae dá moita importancia
aos valores do deporte
e preocúpase de inculcalos nos
seus alumnos, algo necesario
sobre todo nos máis pequenos
“desde que son pequeniños tes
que facer as clases máis lúdicas,
non aguantan tanto e ademais
no grupo de iniciación conviven
o máis tímido co máis lanzado
e tes que saber como falar con
cada un deles; é nesas clases
onde tes que ensinar a disciplina,
o respecto polo compañeiro,
é algo que os forma para a vida
e iso é máis importante que si se
poden converter en figuras do
deporte”.
Teté empezou en patinaxe nas
escolas deportivas de Santiago
“comezamos cando eramos 10
os que o practicabamos, aos poucos
a cidade abriuse a máis deportes
que o fútbol e hoxe podes
facer ballet, ximnasia rítmica ou
patinaxe; este é un deporte moi
belo que cando o ves engánchache,
a boca funcionou estes anos
e por iso chegamos aquí, cada
ano melloramos máis, agora xa
patinamos en parqué que é algo
fundamental para competir e en
realidade non temos máis alumnos
porque o concello non nos
pode dar máis horas para adestrar;
entendemos que as instalacións
son as que son e hai que
compartilas cos outros deportistas
da cidade”.
O Campus Stellae xa sabe o
que é a competición a nivel nacional
e Teté explica o gran nivel
que hai “este deporte engancha
moito e alarga moito a vida do
patinador, cando a nivel individual
ben por idade ou por dispoñibilidade
persoal non pode
competir nesta disciplina se ten
oco, iso fai que o nivel da competición
a nivel nacional sexa
moi alto; en Cataluña por exemplo
está o mellor do mellor, cada
ano é unha suma e segue, velos,
aprender, seguir mellorando e
tenta chegar máis lonxe”.
Un deporte divertido e no que
aprender o valor do compañeirismo
e o traballo en equipo.
Pódese contactar co
Campus Stellae por correo
electrónico
campusstellaepatinaxe@
gmail.com
e por teléfono no
667692996
Fotos: Loli Fdez.