LINDEIROS 21 FEBREIRO 2015

febreiro 2015 pasará 25
Novas experiencias alternativas
na sala Zona C en Bonaval
As actuacións están dentro da programación do Bono de Teatro
Galego o que permite descontos por acudir a todas
Propostas que nos levan a
universos paralelos, a lugares
onde experimentar, a descubrir
novos mundos e o que o longo
de todo o mes poderase disfrutar
na Zona C, a sala alternativa
de Compostela despois do
obrigado peche da Nasa hai xa
uns anos. Estes son algúns dos
espectáculos.
FRAGMENTOS DO DES-
TERRO de nenoescuro 12 e 13
de febreiro ás 20.30h
Músico, artista sonoro e videocreador,
nenoescuro investiga no
lado sombra do son, na suspensión
da conciencia ordinaria a
través de abismos perceptivos,
integrando sons primarios, instrumentación
analóxica e síntese
electrónica nunha sonoridade de
estraña raíz e difícil localización
que se entrelaza con atmosferas
visuais conformando un ámbito
intermedial de exploración entre
o lírico e o narrativo.
SUPERMARKET de Esther
F. Carrodeguas
ButacaZero Do 19 ao 22 de
febreiro ás 20.30h (domingo ás
19.30h)
Por que brillan tanto as mazás
Que ten dentro o colacao É
mellor limpar con lixivia ou con
disiclín E sobre todo... van os
expresidentes do Goberno ao supermercado
Supermarket ofrece
ao espectador 59,99 minutos
de auténtico e orixinal “stand
up poetry” para partirse de risa.
Esther F. Carrodeguas comeza
xogando ás tendiñas con cartos
que son pedras para entrar máis
tarde nun hipermercado e construír
historias dentro dos iogures
que deixarán o público cun doce
sabor de boca.
1. WHO IS INSIDE THE
CAMERA de Roi F.F. estrea
absoluta
Do 25 ao 27 de febreiro ás
20.30h
1, 2, 3. Si Hello Santiago. I
am 1. Vouche contar a miña historia
–teño que facelo perfecto.
Son un estándar singular, bastardo
entre a norma e a excepción.
Ben, síntoo. Non era así. I’m so
sorry. –Entro en bucle. Teño que
ser eu mesmo. Son unha icona
única, ideal coma un algoritmo,
exacto coma unha máquina.
Gústame que me mires. Perdón,
quen está dentro da cámara
Think positive. Be yourself.
Feel the energy. Come on girls!
Are you ready for love! Moitas
grazas.
PSICÓPATA de Antón Coucheiro
/ Manuel Cortés
Do 4 ao 8 de marzo ás 20.30h
(domingo ás 19.30h)
Germán Serra é un verdadeiro
monstro. Coñecido coma
o “artista do cúter”, deixou un
regueiro de asasinatos e pezas
de arte con cadáveres que o fixeron
famoso. Despois de dez
anos en cadea, accedeu a realizar
unha serie de performances
organizadas por Institucións
Penitenciarias para reducir a súa
condena. Leva unha década sen
matar, pero hoxe pode ser diferente...
Suspense, interactuación
co público, vídeos, cancións,
humor gráfico, gore, playmobils,
dj, provocación, efectos especiais,
un pouco de terror e, sobre
todo, humor negro...
O Auditorio Abanca acolle
“De mutuo desacuerdo”
Trátase dunha comedia protagonizada por
Iñaki MIramón e Toni Acosta
Escrita por Fernando J. López
(autor de novelas como ‘La edad
de la ira’ (finalista do Premio
Nadal) e obras como ‘Cuando
fuimos dos’ (actualmente na
súa terceira tempada no Teatro
Infanta Isabel) ‘De mutuo desacuerdo’
é un relato das novas
familias do século XXI no que
non hai bos nin malos, tan só
dous personaxes que se equivocan
e que tentan emendar eses
erros do mellor modo posible.
Na obra abórdanse temas como
a parella, a paternidade e a familia
desde un punto de vista
que evita toda clase de discursos
morais ou simplificadores
e onde ambos os personaxes
posúen as súas propias razóns e
argumentos, de modo que sexa
o público quen busque con cal
deles desexa identificarse.
Cun reparto que conta cos
famosos actores Toni Acosta e
Iñaki Miramón, a obra aborda
desde o humor o problema da
identidade despois dunha ruptura:
quen somos: o ex que desexa
reconstruírse ou o pai ou a nai
que sabe que non pode esquecer
que o seu cónxuxe seguirá sendo
importante na vida do seu
fillo Tanto Sandra como Ignacio
fan nesta función unha viaxe
desde a rabia que os separa nos
primeiros meses cara a un intento
de aceptación, tanto de si
mesmos como da nova situación
en que se achan e da relación
que teñen e queren construír co
seu fillo.
O director é Quino Falero e
o texto orixinal de Fernando J.
López
A cita o venres 13 de febreiro
ás 20:30 da tarde.
VEN
A NEGREIRA