LINDEIROS 21 FEBREIRO 2015

24 pasará
II Certame de canción
de autor en galego
O concello de Teo da de prazo ata o 29 de
marzo para o envío de maquetas
O pasado mes foi presentada
a segunda edición do Certame
de Canción de Autor en Galego
‘Concello de Teo’. Na dita
presentación compareceron a
concelleira de Cultura do Concello
de Teo, Carme Hermida,
o secretario xeral de Política
Lingüística, o delegado para
Santiago de Gadisa, Román
Roo, Valentín García, o director
artístico do evento, Xoán
Curiel e a gañadora da primeira
edición, Alba María.
Carme Hermida amosouse
orgullosa de poder celebrar
tanto a primeira e como esta
segunda edición do certame,
un proxecto que definiu como
“único” no panorama da música
en Galicia, xa que ningún
ten as características deste.
Un EP —xunto co deseño do
mesmo—, concertos e promoción
destes, así como un ano
de cota de socio/a de Músicos
ao Vivo son algún dos premios
que poderá recibir a persoa gañadora
desta segunda edición
do Certame de Canción de
Autor en Galego ‘Concello de
Teo’. Tamén haberá novidades
nos accésits da gala final, entre
outras. As bases poden consultarse
na web www.concellodeteo.com
Tal e como afirma Xoán Curiel,
tras o primeiro Certame
“houbo xente que tamén nos
demandou unha segunda edición.
Aí vemos que a creatividade
está viva e que hai xente
que está desexando amosar o
que fai”, remarcou o artista.
Fontes: concello de Teo, Lindeiros.
O Museo Fundación Eugenio
Granell presentou a exposición
“Instinto animal” de Philip West,
que permanecerá aberta ata o 21
de xuño.
Con esta mostra, realizada
con obras dos fondos do Museo,
a Fundación Granell continúa
a súa actividade expositiva que
conmemora a celebración do seu
20 aniversario (1995-2015). Revisar
a obra de Philip West, supón
un exercicio de complicidade co
discurso vital do propio creador.
O relato sérvese nun corto período
de tempo, como unha película
corta na que o principal protagonista
é o artista camuflado, fundido
en animais, polos que non
sentía un especial aprecio.
Desta forma encontramos a
un creador que se autorepresenta
nunha conciliación obrigada co
medio, cunha necesidade imperante
de reforzarse, coma se fose
un animal que supera conflitos
internos e sobre todo físicos.
Nesta aparente perda de esperanza
o artista describe o seu propio
corpo, mostrándose como entomólogo
ou ornitólogo, nun xogo
de autosuxestión que ofrece o
pulo necesario para continuar.
Esta mostra afonda no máis
primixenio do creador, no instin-
Lindeiros
“Instinto Animal” de Philip West
na Fundación Granell
A mostra pódese visitar ata o 21 de xuño
to de supervivencia, na conversión
forzosa á que se ve sometido
pola súa propia vida. Philip cambia
a súa aparencia humana para
renacer nun acto poético, como
un ente fusionado co natural, valente
e atacante.
A auga e o sangue xogan no
lenzo, como unha sentencia, da
que só sobrevivirá o disfrace
que serviu como escudo, pero
que acaba como un resto de ter
existido.
James Hunter estará de novo na
Capitol o 14 de este mes
En abril do ano pasado dou un dos mellores concertos do ano na
sala Compostelá e volta coa mesma formación
James Hunter é un músico
branco con alma negra. Británico
de nacemento, domina á perfección
as claves do soul e R&B
de primeira escola norteamericana.
Pasou de ser o “apadriñado
de Van Morrison” a facerse
un oco dentro dos soulman actuais
máis respectados. Proba
diso son os seus 2 nomeamentos
aos Grammys e as súas xiras
xunto a nomes como Aretha
Franklin, Etta James, Sharon
Jones, Willie Nelson...
En 20 anos de carreira publi-
cou 4 discos pero conseguiu facerse
cun público fiel que valora
o seu estilo, un soul clásico no
concepto e unha forma única de
interpretalo en directo que converte
cada un dos seus concertos
algo único; en abril pasado
os afortunados que pasaron pola
Capitol descubriron a un gran
músico que volve para levarnos
unha vez máis aos mellores 50’.
James Hunter terá de teloneros
a unha das bandas revelación
do panorama nacional, The
Limboos son un grupo madrileño
que ven de publicar o seu
primeiro disco, unha grabación
na que combinan a perfección
o estilo New Orleans cos tintes
caribeños e latinos que se
puxeron de moda nos anos 40.
Roi, Daniela, Marcos e Sergio
din ser máis unha familia que
un grupo e serán o perfecto entrante
para o concerto de James
Hunter o 14 na Sala Capitol de
Compostela.