LINDEIROS 21 FEBREIRO 2015

febreiro 2015 pasou 21
Os cativos de Sigüeiro
aprenden de reciclaxe
150 alumnos do CEIP participaron nunha
xornada formativa
Arredor duns 150 nenos e
nenas, de terceiro a sexto de
Educación Primaria, do CEIP
de Sigüeiro participaron nunha
divertida xornada formativa
sobre importancia da reciclaxe.
Durante a charla, os pequenos
recibiron un xogo de mesa,
cunha dinámica moi semellante
ao xogo da Oca, protagonizado
por Troi, a mascota que o
Concello de Oroso está a utilizar
para achegar o mundo dos
tres erres aos nenos e nenas do
municipio.
Isto é así porque, como asegurou
o concelleiro de Ensino,
Antonio Leira, “queremos
que os nenos e nenas fagan de
profes cos seus pais, para insistirlles
na necesidade de facer
unha boa separación en orixe
pois iso será positivo tanto para
o noso medio ambiente como
para a economía de todos, pois
reducirase a factura do lixo”. O
Concello de Oroso editou un
total de 3.000 exemplares deste
xogo de Troi, co propósito que
chegue a todas as familias con
nenos do municipio.
Fontes: concello de Oroso, Lindeiros.
Os contos do animalario en Ordes
Daboapipa presentou un espectáculo destinado os máis cativos
Novamente a biblioteca municipal
de Ordes converteuse en
punto de encontro e centro de
diversión para decenas de nenos,
nenas, pais e e nais grazas ás Tardes
de contos e lendas. Unha cita
na que se mesturaron a narración
oral de contos e historias ben divertidas
coa música e o baile. Os
encargados de facer todo isto posible
foron os integrantes do grupo
Daboapipa, que para a ocasión
ofreceron os seus ‘Contos de animalario’,
unha peza que segundo
a compañía é “Unha viaxe polos
montes, prados e camiños máis
verdes que puideramos ver, chea
de encontros cos animais máis
marabillosos: toupas choscas,
chivos enormes e ogros torpes,
pombas doces e dragóns atroces,
bechos estraños, cabalos azuis
e cantigas de fai anos e non tantos…”.
Daboapipa é unha compañía
de recente formación que
naceu no verán do 2013; está
formada por Santi Prieto, que estudou
solfexo, piano e harmonía
no Conservatorio de Santiago de
Compostela; e Vero Rilo que é
educadora na Rede de Escolas da
Galiña Azul e contadora.
As tardes de contos e lendas é
un programa da Biblioteca muicipal
de Ordes destinado os máis
pequenos e que serve para introducilos
no mundo da cultura, dos
espectáculos e dos libros con actividades
de distinto tipo.
Fontes: concello de Oroso, Lindeiros.
ENTROIDO FRADES 2015
CONCURSO DE DISFRACES
Domingo 15 de febreiro, 17:00 h.
Pavillón Municipal de Ponte Carreira
PARA PARTICIPAR, HAI QUE ANOTARSE NO CONCELLO ANTES
DO 13 DE FEBREIRO, ÁS 14:00 H. O DÍA DO CONCURSO NON SE
INSCRIBIRÁ. OS DORSAIS RECOLLERANSE A PARTIR DAS 16.30 H.
PREMIOS
Infantil individual (1 ou 2 membros ata 14 anos): 1º Premio: 60€ / 2º Premio: 30 €
Grupo infantil (máis de 2 membros ata 14 anos): 1º Premio: 100€ / 2º Premio: 50 €
(se algún compoñente do grupo ten máis de 14 anos, pasarán a competir como Grupo Adulto)
Adultos individual (1 ou 2 membros maior de 14 anos): 1º Premio: 100€ / 2º Premio: 50 €
Grupo adulto (máis de 2 membros maiores de 14 anos): 1º Premio: 300€ / 2º Premio: 150 €
PREMIO ESPECIAL: ao mellor disfrace individual ou de grupo de Frades: 120
FESTA DE ANIMACIÓN CON XOGOS, INCHABLES,
OBRADOIROS E GRAN CHOCOLATADA
Organiza:
Tempo máximo
da actuación:
5 MINUTOS
Concello
de Frades