LINDEIROS 21 FEBREIRO 2015

20 pasou
Lindeiros
O Consorcio traballa nos debuxos das monteas de Santa Clara
O traballo permitirá mostrar de xeito máis claro as marcas que usaban os canteiros
As monteas son debuxos ou
trazas a tamaño natural de elementos
arquitectónicos ou estruturais
realizados preto do seu
lugar de ubicación e que servían
de guía á hora de construílos; as
de Santa Clara, “de gran valor
histórico-artístico, documental
e patrimonial” segundo os técnicos,
considéranse de sumo
interese, pois parecen realizadas
polas cuadrillas de canteiros
encargados da construción
do último corpo da fachada da
portería do convento, así como
da talla do seu complexo aparato
decorativo a base de placados
xeométricos e outros elementos
como arcos e volutas. Todo, probablemente,
baixo a dirección
do famoso arquitecto compostelán
Simón Rodríguez, mestre
de obras do convento entre 1719
e 1724.
No proceso de musealización
habilitáronse en determinadas
zonas 18 caixóns disimulados
e con asas incrustadas para que
se poidan sacar e deixar á vista
as singulares marcas na pedra,
pero este uso reservarase exclusivamente
a investigadores e
especialistas. O público en xeral
poderá ver as monteas trazadas
sobre a madeira. A arquitecta
Idoia Camiruaga, encargada
do levantamento das monteas,
explica que se usou un verniz á
auga para que non borre as liñas,
ao tempo que destaca o labor
investigador dos historiadores
Taín e Calvo, xa que están a facer
un “magnífico traballo de
análise e contextualización” do
achado, segundo precisa a arquitecta.
Tamén está previsto facer
un levantamento da fachada
conventual en 3D.
Fontes: Consorcio de Santiago,
Lindeiros
Piden que se nomee filla
predilecta a Isabel Zendal
Gómez
Foi unha das persoas que entre 1803 e 1814
distribuíu a primeira vacina contra a viruela
O PSOE de Ordes propuxo
o nomeamento como filla predilecta
do Concello de Ordes a
título póstumo de Isabel Zendal
Gómez, veciña da parroquia
de Parada e que foi un dos piares
da expedición filantrópica
contra a viruela que entre 1803
e 1814 distribuíu polo mundo
a primeira vacina da historia
contra esta enfermidade. A proposta
que os socialistas levaron
á sesión plenaria de xaneiro no
foi apoiada polo BNG e o PP
polo que os socialistas buscarán
outras fórmulas para conseguilo
e homenaxear como se merece
a esta veciña da Grela, que foi
a única muller que participou
na Expedición Filantrópica do
doutor Balmis para distribuír de
xeito gratuíto a primeira vacina
contra a viruela por todo o mundo
e que está considerada como
a primeira enfermeira da historia
da saúde pública en México”.
Isabel Zendal Gómez (Para-
da 1773) era a rectora da Casa
de Expósitos da Coruña e o 30
de novembro de 1803 partiu
coa Expedición Filantrópica do
doutor Francisco Xavier Balmis
para facerse cargo dos 22 nenos
galegos que trasladaron nos
seus brazos a vacina da viruela
a América, así como dos 26 nenos
que viaxaron posteriormente
dende México a Filipinas.
Xesús Pedreira considera que
“no caso de Isabel Zendal concorren
de sobra todos os requisitos
esixidos no Regulamento de
Honras e Distincións do Concello
de Ordes para que se lle outorgue
o título de filla predilecta
a título póstumo”. Agora intentarán
que a proposta fágase desde
a alcaldía xa que esa fórmula
perimitiría axilizar o expediente
de nomeamento.
Fontes: Psoe Ordes, Lindeiros
Nace a Asociación Galega de
Albergues Privados
Constituíuse en Santiago e é a primeira destas características
Preto de 50 albergues privados
de Galicia, estiveron representados
na reunión que se ha
celebrou na sede da Confederación
de Empresarios de Galicia
(CEG), situada en Santiago de
Compostela, para promover a
creación da primeira Asociación
Galega de Albergues Privados.
A reunión serviu para
sentar as bases da entidade, que
terá como principais obxectivos
defender os intereses destes empresarios
fronte aos albergues
públicos, pavillóns, “pisos patera”
ou calquera competencia
desleal.
A Asociación pretende mellorar
a imaxe de marca destes
establecementos e reducir o esforzo
publicitario grazas á unión
de todos, así como brindarlles
a oportunidade de acceder a
posibles axudas económicas
de entidades públicas. Entre os
obxectivos atópase a creación
dunha plataforma que actúe
como central de reservas e unha
aplicación móbil que permita ao
peregrino seleccionar e reservar
o albergue no que desexe pasar
Os arquitectos trazando os debuxos das monteas. Foto: Consorcio de Santiago
a noite segundo o seu avance
no camiño. Os portavoces da
entidade esperan alcanzar o
centenar de albergues adheridos
tras o arranque da asociación,
xa que esta ofrecerá formación
continua a todos os propietarios
co fin de mellorar a experiencia
dos peregrinos, así como un gabinete
de defensa xurídica.
Ademais, está previsto contar
cun representante da asociación
en cada localidade, o que permitirá
trasladar ás administracións
locais as inquietudes dos empresarios,
así como a realización de
estudos que permitan coñecer a
percepción dos peregrinos para
que os albergues adheridos poidan
enfocar as súas melloras
nesta liña.
Segundo todos os asistentes é
indispensable unha asociación
que loite por estes obxectivos, e
está previsto que comece a funcionar
a pleno pulmón no mes
de marzo para poder recibir a
tempada 2015 que comeza a recibir
usuarios devandito mes.
Fontes: Asociación de Albergues
Privados de Galicia, Lindeiros
Un momento da reunión. Fonte Asociación de Albergues Privados