LINDEIROS 21 FEBREIRO 2015

18 pasou
Éxito do Festival de aninovo de Oroso
A Aula de Música reuniu a máis de 200 personas
Máis de douscentos veciños e
veciñas encheron o salón de actos
do centro cultural Fernando Casas
e Novoa de Sigüeiro durante
a terceira edición de Festival de
Aninovo da Aula de Música de
Oroso; un concerto no que participaron
máis de medio cento
de rapaces e rapazas, de idades
comprendidas entre os 8 e os 15
anos, que amosaron os grandes
avances acadados ao longo dos
últimos anos. A diferenza de
edicións anteriores, nesta ocasión
a música clásica chegou a
perder o seu protagonismo fronte
a cancións pop, bandas sonoras,
jazz e rock, o que sorprendeu aos
presentes e foi moi aplaudido; un
apoio que foi agradecido polo director
da Aula de Música de Oroso,
Juan Salgueiro.
O festival arrancou coa actuación
dos máis pequenos, os
nenos e nenas de Música e Movemento,
de idades comprendidas
entre os 4 e os 7 anos, que
interpretaron unha canción popular
instrumental cos seus violíns
e instrumentos de percusión;
a actuación máis aplaudida da
noite foi tamén a máis numerosa,
pois reuniu á orquestra e coro da
Aula de Música de Oroso, que interpretaron
tres pezas: “Sad Movie”,
“Bela e besta son” (da BSO
“A Bela e a besta”) e mesmo se
atreveron a cantar en francés
“Vois sur ton chemin” (da BSO
“Os chicos do coro”); o broche
de ouro e a actuación máis sorprendente
da noite foi a de “Os
Ghunmimákina´s”, un combo de
música moderna formado por
cinco mozos orosáns que comezaron
con “Work song” (Cannonbal
Adderley), sorprenderon
cun “Sweet home Chicago” (Robert
Johnson) e arrincaron unha
gran ovación co coñecido “7 nation
army” de The white stripes.
O concelleiro de Cultura, Antonio
Leira, foi o encargado de
dar a benvida aos máis de douscentos
veciños que ateigaban o
centro cultural de Oroso e destacou
especialmente o traballo
desempeñado ao longo dos últimos
anos pola Aula de Música
de Oroso, “onde conseguimos
un centro no que os nosos nenos
aprende e, sobre todo, disfrutan
coa música”.
Fontes: concello de Oroso, Lindeiros.
Lindeiros
As festas da Peregrina de
Bertamiráns xa teñen
comisión de festas
Foi reciba o pasado mes de xaneiro polo
alcalde Santiago Amor
O alcalde de Ames, Santiago
Amor, recibiu na Casa Consistorial
aos novos membros
da comisión de festas da Virxe
da Peregrina; o seu presidente,
Andrés Núñez, acompañado do
vicepresidente, a secretaria e o
tesoureiro, solicitou ao rexedor
local a colaboración do Concello
na organización das festas
patronais de Bertamiráns.
Os actos celebraranse a segunda
fin de semana de agosto,
sábado 8 e o domingo 9, e
aínda que non teñen pechada a
programación, Núñez adianta
que actuarán dúas orquestras
cada día, haberá unha sesión
vermú, atraccións para os máis
pequenos e os tradicionais actos
relixiosos; previamente, no mes
de xuño, a comisión organizará
unha sardiñada popular para recadar
fondos.
As festas da Peregrina foron
organizadas no 2014 pola
Asociación de Comerciantes
de Bertamiráns despois de que
ningún veciño quixera facerse
cargo e impulsados polo equipo
de goberno municipal; a nova
comisión recoñece que “aínda
hai moito que facer e son tempos
difíciles para as familias
pero estas datas son festexadas
por todos os veciños e é importante
continuar celebrando a
festa da Peregrina”.
Fontes: concello de Ames Lindeiros.
Coro e orquesta da aula de música de Oroso. Foto: concello de Oroso
A Comisión de Festas da Peregrina co alcalde Santiago Amor. concello de Ames
Nace o Círculo Cultural Hispano Árabe
Ghaleb Jaber Ibrahim, presidente da Fundación Araguaney, é membro fundador
O pasado día 15 de xaneiro
presentouse e asinouse na
sede da Casa Árabe en Madrid
a acta fundacional do Círculo
Cultural Hispano Árabe; trátase
dunha nova institución que
nace co obxectivo de ser o punto
de encontro entre cidadáns españois
e árabes do que Ghaleb
Jaber Ibrahim (Presidente da
Fundación Araguaney-Ponte
de Culturas) é membro fundador
xunto a María Vitoria Caro
Bernal (xestora cultural), Ghanem
Aldroubi Chaban Kabakibo
(médico oftalmólogo), Jesús
Antonio Núñez Villaverde (Codirector
do Instituto de Estudos
sobre Conflitos e Acción Humanitaria
IECAH, Abdel-Wahhab
Tounsi Mohd (editor da revista
Palestina Dixital).
Entre os socios honoríficos,
atópanse personaxes de recoñecido
prestixio como o profesor
Federico Mayor Zaragoza
ou o arabista Pedro Martínez
Montávez así como Carmen
Ruiz Bravo-Villasante, Pilar
Tormo Martín e Mahmud Sobh
Ao-Kurdi.
O proxecto bota a andar nuns
momentos complicados para
a imaxe do mundo árabe e dos
seus concidadáns e pretende ser
un eixo para o fomento cultural
de forma independente e autónoma.
As actividades que este
círculo desenvolverá serán diversas,
cubrindo todo o espectro
cultural: Literatura, Artes, Ciencias...
coñecementos que farán
posible crear un espazo común.
Premios ao xornalismo, á literatura
ou ás artes ademais de
festivais, conferencias e talleres
que terán lugar en varios puntos
da xeografía española.
Fontes: Fundación Araguaney,
Lindeiros
Membros fundadores do Círculo Hispano Árabe. Foto: Fundación Araguaney