LINDEIROS 21 FEBREIRO 2015

More documents

Recommendations

Info

12 educación Fátima García Doval Desde que a revolución industrial pariu os medios audiovisuais o mundo da educación viuse infestado de ogros e princesas. Curiosamente, como Ianus, o deus romano de dúas caras que simboliza as transicións e que dá nome a Xaneiro, os ogros e as princesas audiovisuais son, en educación, o mesmo ente con diferentes fachadas. Tanto grandes salvadores chamados a revolucionar a educación, como verdugos implacables que veñen sumir ás futuras xeracións no pantano da superficialidade e a incultura. A invención do cinema vaticinou a morte das escolas e os seus mestres. Así, sucesivamente, a radio, a televisión, os computadores, os smartphones... convertéronse, por rigorosa orde, no malo maloso, o Goldfinger e o Dr. Non duns mestres 007, con licenza para catear. Con máis colorins, con máis tirón mediático, con máis atractivo e con maior comodidade. Sen saír da súa casa, señora. Que o teño barato. Coñecemento de marca. A bo prezo. Todo satisfacción. Paralelamente o mesmo cinema, a mesma radio, a tele, a informática toda e os teléfonos intelixentes coa súa miríada de aplicacións e funcionalidades, foron caracterizados como ese mal satánico que distrae do importante e non serve para nada. Fogos de artificio para pasar o intre. A realidade é que todos os elementos mencionados pasaron polas aulas sen pena nin gloria, e sen deixar apenas pouso. Facilitaron a vida do profesorado e encheron de cor a vida dos alumnos, sobre todo en certas etapas. Pero non acabaron cos mestres, nin cos libros de texto, nin cos cadernos... Nin sequera acabaron cos encerados, que se se dixitalizaron Doctora en Pedagogía e Innovación Educativa.Experta en tecnología y Accesibilidad. Maestra de inglés, pedagogía terapéutica y audición y lenguaje; licenciada en filosofía y letras con la especialidad de pedagogía e investigadora en tecnologías y accesibilidad. Trabaja en un centro de educación especial en Santiago de Compostela. http://discapacitodos.com/ Ogros e princesas pasando a ser, de vez, as pantallas de proxección máis caras da historia. Propoño poñer en marcha o Delorean, ou a máis compostelá FluzoVespa, de Nacho Mirás Fole, para darnos un paseo temporal polo século XIX. Supoñamos que da nosa visita ao Españistán decimonónico traémonos a un bo cirurxián. Á nosa chegada, e para que non se aburra, depositámolo nun dos quirófanos do CHUS e pedímoslle que proceda ao seu. A súa reacción pode variar entre gritar despavorido e caer en posición fetal. Pero, de seguro, non sabería por onde empezar a tarefa, o pobre, nin coa axuda de todo o equipo de adxuntos, MIRes e enfermeiras que se puidesen dar cita á súa ao redor. Supoñamos agora que, en lugar de traernos a un cirurxián, traémonos a un mestre. Á nosa chegada facemos o propio e depositámolo nunha aula calquera. Talvez erga a cella un pouco ao ver as pintas que nos gastamos, o computador sobre a mesa e o proxector colgando do teito. Pero pasado ese susto inicial, agarrado ao xiz como un naufrago ao seu bote salvavidas, empezaría a clase sen pena nin gloria. E ao final da mañá ninguén diría que non é un profe máis. Isto é así pola propia natureza do proceso de ensino-aprendizaxe. O que determina o seu éxito (ou fracaso) é, por unha banda, a capacidade do profesor para guiar, estimular e animar ao alumnado; e por outra, a disposición e habilidade do alumnado para procesar no seu cerebro a información manexada apropiándose dela e transformándoa en coñecemento. Todo o demais é accesorio. Nin ogro nin princesa. Puro complemento e ferramenta. Como eses músicos ambulantes que poboan os vídeos virais tocando calquera instrumento improvisado. É o músico e non o instrumento, o profesor e non o recurso educativo, o que converte o son en música e a información en coñecemento. Ilustración: Jorge del Oro Novas da USC Presentouse Cilenis, unha empresa dedicada a tecnoloxías da linguaxe Cilenis e un spin-off da Universidade de Compostela, unha empresa que nace a partir dos coñecementos adquiridos na USC e baixo o seu amparo, que naceu no 2011 recibindo ese mesmo ano o Primeiro Premio como Proxecto Empresarial Innovador. En 2012, o empresario e analista económico Marc Vidal converteuse en socio de Cilenis, adquirindo parte da compañía a través da empresa IDODI Labs. O pasado ano Cilenis lanzou o portal de ferramentas lingüísticas Linguakit, que ofrece ao gran público os últimos avances en tecnoloxía lingüística. O seu proxecto estrela é Avalingua, un software de corrección automática que permite avaliar o nivel lingüístico de documentos escritos galardoado coa Mención de Honra no MIT Building Global Innovators 2013. A presentación foi realizada polo seu fundador e actual co director Isaac González. Santiago atópase entre as dez universidades españolas cun maior compromiso medioambiental O GreenMetric University Ranking, clasificación que compara os esforzos de máis de 360 universidades de 62 países en materia de sustentabilidade e xestión medioambiental dos seus campus, sitúa á Universidade de Santiago no posto 149. Nesta listaxe figuran un total de <strong>21</strong> universidades españolas, de entre as que a de Santiago é a única galega e a novena de España. Para a súa elaboración, seleccionáronse unha serie de criterios relacionados coa sustentabilidade e valorados tendo en conta o tamaño básico da institución, o seu emprazamento (urbano, suburbano ou rural) e o grao de espazos verdes de que dispón. Entre os datos valorados, tamén se avaliou o consumo de electricidade, auga ou xestión de refugallos, entre outras cuestións. O obxectivo é alcanzar unha imaxe de como a universidade está respondendo ou afrontando os requirimentos da sustentabilidade a través de programacións ou accións concretas. Lindeiros Premio de Oral Diseases ao mellor artigo científico do ano para un traballo da USC O traballo ‘HCV clearance from saliva of HIV–HCVcoinfected patients on treatment with interferon plus ribavirin’, da autoría dun equipo da USC, foi galardoado co premio ao mellor artigo de investigación orixinal publicado en 2014 na revista Oral Diseases, unha prestixiosa publicación do ámbito da odontoloxía. Os autores do estudo Javier F. Feijoo, Mirian Eirea, Maite Abeleira, Isabel Ramos, Antonio Ocampo, Pedro Diz e Jacobo Limeres pertencen ao grupo de investigación en Odontoloxía Médico-Cirúrxica (OMEQUI) da USC que dirixe este último. A principal achega da investigación, realizada na USC en colaboración co Hospital Xeral- Cíes (CHUVI), é que nos pacientes con hepatite C crónica coinfectados con VIH -nos que cabe agardar unha certa sinerxía viral- que responden ao tratamento con interferón pegilado/ ribavirina as glándulas salivares non representan un santuario para o virus da hepatite C, aínda que o aclaramento viral na saliva pode ser máis lento que no sangue. Unha tese da USC acada o Premio Nacional Literario Lingua Nai de Italia A doutora en Teoría da literatura e literatura comparada Federica Angelini acaba de gañar o Premio Nacional Literario Lingua Nai de Italia pola súa tese ‘Il pensiero nomade. Scrittrici migranti raccontano l’Italia multietnica’ que defendeu na Universidade de Santiago baixo a dirección do profesor de Literatura comparada da USC César Domínguez. O certame diríxese a estudantado, persoal investigador e académico universitario que elixe como obxecto de investigación da súa tese a competencia en lingua materna. Trátase de ofrecer así unha oportunidade para o diálogo entre a universidade e o tecido da cidade a fin de profundar, cun novo enfoque científico, pouco convencional e inspirado no pensamento da diferenza sexual, no fenómeno da migración feminina. Fontes: USC, Lindeiros
febreiro <strong>2015</strong> empresa 13 Congelados Asturgal Calidade na porta da casa Desde fai moitos anos é común ver chegar as aldeas os peixeiros ou os panadeiros vendendo a súa mercancía; Astur Galaica recolleu esa idea e ampliouna para repartir polas casas do rural produtos conxelados, unha venda a domicilio e por encargo que cubre unha ampla zona do centro de Galicia. A empresa Congelados Astur Galaicos chegou a Santiago hai máis de 15 anos e o longo de todo este tempo foi recollendo unha clientela que creceu ano a ano e que foi variando as necesidades e os costumes. José María é un dos responsables “faise como toda a vida, as furgonetas tocan a bucina e os veciños saen a comprar, algunha xa di desde a ventá que non, que queda para a semana seguinte”. As distintas furgonetas teñen 5 rutas, unha por cada día da semana, pero si alguén chama para solicitar que o sirvan inclúese o lugar “nos cada día abrimos clientela nova, incluso algúns indícannos que paremos nas casa de algún familiar o veciño que probou algo e tamén quere comprar”. Unha vez rematadas as festas de Nadal onde o marisco e sen duda a estrela a hora de vender, os condutores volven os tres produtos máis demandados “polbo, pescada e bacallau son os tres estandartes nosos, en Nadal o lagostino, cigala. boi, vieira...”. O lugar de venda é o rural pero non so o máis agochado se non ese outro que está as costas das vilas “non ten porque ser o rural agochado, tamén en zonas rurais pegadas as vilas e as zonas urbanas; creo incluso que se vende máis porque nas vilas os conxeladores das casas son máis pequenos mentres que no rural son máis grandes e cando algo está bo e a bo prezo aproveitase e compran máis cantidade, as veces vendemos unha caixa de polbo ou de pescada; si un se fixa os grandes supermercados como Gadis, ou grandes cadeas como Gran Sol instalan os seus negocios nas saídas das cidades”. En estes quince anos cambiou moito o perfil do cliente e iso obriga a cambiar os produtos e as dinámicas de venda “cambiou moito, tivemos que especializarnos en produtos; antes a xente quería cousa económica e agora queren que teña bo prezo pero tamén con boa calidade, a xente prefire unha rodaja boa que dúas cativas; antes traballabas filete de batalla, filetes de pescada que foran canto máis económicos mellor e compraban por prezo, agora mirase moito o que se compra, buscase un pouco máis a calidade”. A dispersión da poboación na nosa terra e o que posibilita en gran medida que empresas como Congelados Astur Galaicos teñan un mercado tan extenso pero non é menos certo que o bo servizo e a calidade do produto e o que fideliza o cliente. Colaboración Lindeiros e Congelados Astur Galaicos inician un experimento de colaboración que posibilitará que o noso xornal chegue a moitas casas do rural do mesmo xeito que chegan s conxelados; en moitas vivendas a prensa non chega a non ser que se aproveite unha viaxe a vila para comprala; a intención e poder levar o noso xornal a maior cantidade de casas para contar o que sucede non so nos seus concellos se non tamén nos lugares da contorna. Fotos: Loli Fdez. FreireGarabal asesoría xurídica Herdanzas: testamentos, particións, declaración herdeiros Administrativo: multas, licenzas, expropiacións Asesoría: contratos, documentos, xestións catastro MJ Freire-Garabal Núñez. AVOGADA Travesía de Cacheiras, 37, baixo, Cacheiras, 15886 Teo Tfno. 981 935 000 Móbil 616 281 008 freiregarabal@avogacia.org
Page 1 and 2: LINDEIROS O xornal gratuíto da bis
Page 3 and 4: febreiro 2015 novas da bisbarra 3 O
Page 5 and 6: febreiro 2015 novas da bisbarra 5 A
Page 7 and 8: febreiro 2015 novas da bisbarra 7 L
Page 9 and 10: febreiro 2015 novas da bisbarra 9 P
Page 11: febreiro 2015 concellos 11 Touro Qu
Page 15 and 16: febreiro 2015 e ti de quén ves sen
Page 17 and 18: febreiro 2015 17 dentalmacia.com 98
Page 19 and 20: febreiro 2015 pasou 19 A Asociació
Page 21 and 22: febreiro 2015 pasou 21 Os cativos d
Page 23 and 24: febreiro 2015 pasará 23 Xenerais d
Page 25 and 26: febreiro 2015 pasará 25 Novas expe
Page 27 and 28: febreiro 2015 deportes 27 Club de P
Page 29 and 30: febreiro 2015 deportes 29 Premios S
Page 31 and 32: febreiro 2015 31 TELÉFONOS DE INTE

LINDEIROS 21 FEBREIRO 2015

Create successful ePaper yourself

Delete template?

Save as template?