LINDEIROS 21 FEBREIRO 2015

febreiro 2015 concellos 11
Touro Qué pensa facer polo seu concello
UN GOBERNO CARO E ACABADO
Touro leva vintecinco anos ininterrumpidos co mesmo alcalde e con moitos dos mesmos concelleiros. Estamos nun declive moito máis pronunciado
que nos concellos limítrofes con unha perda de poboación alarmante, un número de parados que case é o mesmo que os de menores de 15
anos, ou unha renda media inferior nun 15% aos concellos cos que limitamos.
Temos un goberno caro. Cada concelleiro/a do PP cobra ao redor de 500 € ao mes en dietas, ao ano uns 6.000€, por 7 concelleiros saen
42.000€, máis os 48.000€ do alcalde resultan 90.000€ ao ano. Na lexislatura máis de 360.000€.
Un goberno con corruptos. O actual teniente de alcalde foi condenado xudicialmente por cobrar ilegalmente dunha das duas cooperativas que
levou a quebra., deixando aos gandeiros e aos traballadores sen cobrar. Pero o alcalde non quere, ou non se atreve, a cesalo dos seus cargos.
Un goberno con comportamentos clientelares. As asociacións que non son afíns ao PP son totalmente ignoradas ou desprezadas directamente.
Un goberno esgotado e sen ideas onde os problemas se eternizan. Un polígono industrial co record de CERO EMPRESAS!, un punto de atención infantil rematado
dende setembro pero valeiro todo este curso escolar, unhas minas de rio tinto que seguen contaminando e con cheiros insoportables, un núcleo de Fonte Diaz con aspecto
de semiabandono, excepto na rua onde ten a casa o alcalde... Son só algúns dos problemas que o BNG ven denunciando con insistencia e que o goberno ignora con
obstinación.
Desde o goberno municipal fixemos un esforzo ao longo deste catro anos por realizar unha xestión eficiente dos nosos recursos, reducindo gastos
na medida do posible e deixando de lado grandes proxectos que puidesen comprometer a situación económica do concello. Terminamos a construción
da Casa da Cultura e do punto de atención á infancia; fixemos un esforzo por levar a auga a todas as casas con fondos propios; arranxamos os
accesos e os camiños interiores das aldeas, parques públicos e a rede viaria; desenvolvemos programas de formación e impulsado plans de emprego
con fondos propios. Preocúpanos moito de potenciar o concello como punto turístico e por iso coidamos aos peregrinos que optan por esta vía; colaboramos
coa área turismo de Compostela para impulsar proxectos conxuntos e cos outros concellos que forman parte da tradición dos Xenerais dá
Ulla tentando que cada ano se consolide máis como cita no calendario do Entroido.
Desde o Partido Popular somos conscientes de que só con traballo pódese avanzar, por iso fixámonos a mesma meta para as eleccións de maio que nos impulsa cada día:
axudar aos nosos veciños nas súas necesidades e conseguir facer de Touro un lugar para vivir, con todos os servizos que o mundo de hoxe en día require e cunha clara vocación
residencial. Somos conscientes do desencanto de moitos votantes pero tamén cremos que a experiencia e o traballo realizado nos últimos 4 anos avala á nosa formación
en Touro.
Cara Maio
NOVAS
Negreira
O coordinador de Ciudadanos
(C’s) de Negreira, José Manuel
López, anunciou que Ciudadanos
(C’s) de Negreira concurrirá
ás eleccións municipais do
próximo 24 de maio.
Tras recibila aprobación do
Consello Nacional do partido,
José Manuel López apostou
por “unha administración local
máis transparente e participativa”.
E declaróu que “a configuración
das listas realizarase
durante as próximas semanas
mediante un proceso interno de
eleccións primarias”.
Brión
A Asemblea do PSOE de
Brión elixiu por unanimidade
a Xosé Luís García como candidato
á Alcaldía de Brión. Os
case douscentos simpatizantes
e militantes apoiaron a proposta
do actual alcalde de Brión, quen
agradeceu o respaldo unánime
dos presentes e animounos a
colaborar na campaña xa que “o
traballo que fixemos estes catro
anos aválanos para seguir traballando
por Brión outros catro
anos máis”.
Boqueixón
Presentouse a Candidatura
Aberta Veciños de Boqueixón
que está impulsada por distintos
concelleiros como Perfecto
Barcala que procede do Psoe e
Xavier Canaval que forma parte
de ANOVA; defínense como “
unha Agrupación de Electores
Independentes impulsada por
varios concelleiros municipais
de Boqueixón. Unha agrupación
que nos constituímos de
forma democrática e aberta, que
pretende promover o debate e a
participación directa dos veciños
de Boqueixón”.
----------------------
A Agrupación local de Compromiso
por Galicia de Boqueixón
escolleu a Xesús Area
Gómez como novo Secretario
Xeral. Así mesmo a agrupación
publicou o calendario de
primarias no concello que se
inicia o dia 16 e rematará o 22,
un proceso do que sairá elixido
o candidato a alcaldía de Compromiso
X Galicia.
Ames
A asemblea aberta do BNG
de Ames reuniuse para debater
a proposta de candidatos e candidatas
ás vindeiras eleccións
municipais. A asemblea aprobou
por unanimidade a proposta
da comisión electoral, polo
que será David Santomil Mosquera
a persoa que encabece
a candidatura do BNG Asembleas
Abertas para as eleccións
de maio de 2015. Nos seguintes
postos da lista incorporaranse
Isabel Vaquero Quintela, Alberte
Souto Souto, Isabel Moares
Rei e Alonso Barreiro Caxade.
---------------------------
A asamblea aberta de Ames
Novo reuniuse para consensuar
coa cidadanía os dous documentos
que marcarán o traballo
da formación, o código ético e o
regulamento de primarias servirán
para concretar a fórmula de
elección da lista que concurrirá
as municipais e os compromisos
que ten que adquirir quen se
queira presentar.
--------------------------
O partido independente
PACTOxAMES confirmou a
Ramón garcía Argibay como
candidato a alcaldía nun acto
celebrado o pasado dia 30. Segundo
a formación “Despois de
dous anos dende a súa creación,
PACTOxAMES está consolidado,
con unhas estruturas fortes
e nas mellores condicións para
defender de forma totalmente
independente os intereses do
concello. Sen ataduras de ningún
tipo, sen dependencias de
outros poderes estatais ou autonómicos
e con experiencia
máis que demostrada en xestión
municipal”.
Teo
A asemblea local do BNG en
Teo elixeu o primeiro tramo da
candidatura nacionalista que vai
estar encabezada polo actual
portavoz municipal, Manuel
Anxo Fernández Baz, ao que
lle segue Ana Pintos Pérez, Renato
Núñez Dasilva, Almudena
Taboada Castro e Carlos Cebey
Olveira.
O responsábel local, Manuel
Rodiño, subliñou que “a previsión
é que a lista quede elaborada
ao longo do mes de xaneiro
incorporando as propostas que
se realizaron nas asembleas
abertas celebradas”.