1kYBRBWHf

parrulo bóla Aythya affinis
● Bibliografía ornitolóxica especializada. Pato bóla foi o nome proposto en 1999 no traballo de
M. A. Conde Teira (12B) e tamén se empregou nalgunhas publicacións ornitolóxicas (10A, 12A, 13A e
14A). Na última guía de aves de C. Pedreira López e X. M. Penas Patiño, parrulo bóla (22A). Na
bibliografía ornitolóxica, o nome portugués é negrelho-americano (14A, 1D, 2D e 3D).
● Nomes populares. É unha especie de presenza extremadamente rara na Galiza e non se lle
coñecen denominacións populares galegas, non sendo as xenéricas.
● Dicionarios consultados. Aparecen as denominacións xenéricas apuntadas en A.
platyrhynchos. O Diccionario de sinónimos da lingua galega de M. C. Noia, X. M. Gómez e P. Benavente
(1997), da editorial Galaxia, ademais, recolle parrulo bravo, pato, pato de río e pito da auga como
sinónimos xenéricos e inespecíficos para Aythya, Netta e Melanitta.
● Etimoloxía / motivación semántica. O modificador bóla fai referencia á forma da cabeza,
arredondada; negrelho alude á cor da plumaxe; americano, á súa área de distribución orixinaria.
Sobre a motivación semántica de pato, véxase Anas platyrhynchos.
● Discusión / explicacións sobre a preferencia dalgunhas denominacións. Canto á escolla entre
parrulo bóla e pato bóla, os comentarios sobre o uso de parrulo / pato en relación con Aythya /
Anas apúntanse en Aythya ferina.
ollodourado Bucephala clangula
● Bibliografía ornitolóxica especializada. Ollodourado foi o nome proposto en 1999 no traballo
de M. A. Conde Teira (12B); empregouse nalgunha publicación ornitolóxica (15A e 16A). Noutras
publicacións ornitolóxicas recolleuse ou empregouse o nome de pato ollo de ouro (10A, 12A e 14A).
Nas guías de aves de X. M. Penas Patiño e C. Pedreira López (5A e 22A) e nalgunhas publicacións
utilizouuse parrulo ollodouro (6A, 11A e 17A). Noutra publicación, pato careto (4A). Na bibliografía
ornitolóxica, os nomes portugueses son pato-olho-d’ouro e olho-dourado (2A, 1D e 2D), ou tamén
olho-dourado-comum (3D).
● Nomes populares. É unha especie de presenza bastante rara na Galiza e non se lle coñecen
denominacións populares galegas.
● Dicionarios consultados. Aparecen as denominacións xenéricas apuntadas en A.
platyrhynchos.
● Etimoloxía / motivación semántica. A denominación ollodourado e similares están motivadas
pola cor amarela brillante do iris deste pato; careto posibelmente refírese a que ten a cor da plumaxe
da cabeza diferente da do resto do corpo. A respecto da motivación semántica de pato, véxase A.
platyrhynchos.
● Discusión / explicacións sobre a preferencia dalgunhas denominacións. Na nosa opinión,
parece ben acaída neste caso a proposta de Conde Teira do nome xenérico ollodourado, que tamén se
emprega para os outros dous patos do xénero Bucephala.
A denominación pato careto para B. clangula pode ser unha confusión cunha das
denominacións do A. acuta.
ollodourado de touca Bucephala albeola
● Bibliografía ornitolóxica especializada. Ollodourado de touca foi o nome proposto en 1999
no traballo de M. A. Conde Teira (12B); empregouse nalgunha publicación ornitolóxica (13A). Noutras
publicacións ornitolóxicas utilizouse pato de touca e pato de touca branca (10A, 12A e 14A). Na
última guía de aves de C. Pedreira López e X. M. Penas Patiño, parrulo albeola (22A). Na bibliografía
ornitolóxica, os nomes portugueses son pato-de-touca-branca e olho-dourado-de-touca (14A, 1D,
2D e 3D).
● Nomes populares. É unha especie de aparición extremadamente rara na Galiza e non se lle
coñecen denominacións populares.
● Dicionarios consultados. Nos dicionarios consultados aparecen as denominacións xenéricas
apuntadas en A. platyrhynchos.
● Etimoloxía / motivación semántica. A denominación xenérica ollodourado está motivada pola
semellanza coa especie anterior; de touca ou de touca branca posibelmente refírense ás manchas
brancas que ten na cabeza, que poden dar a impresión de que trae posta unha touca branca. Albeola,
tirado do nome científico, posibelmente estea en relación coas tonalidades brancas da plumaxe. Sobre
72