1kYBRBWHf

utilizouse nas guías de aves destes autores (1A, 5A e 22A); tamén se empregou este nome nalgunha
outra publicación ornitolóxica (2A, 4A e 17A). Ganso de cara branca foi o nome proposto en 1991 e
1999 nos traballos de M. A. Conde Teira e T. A. Vidal Figueroa (10B e 12B); utilizouse tamén nalgunhas
publicacións ornitolóxicas (13A e 15A). Nalgunha publicación empregouse o nome de ganso
caribranco (10A e 14A). Na bibliografía ornitolóxica, os nomes portugueses son ganso-de-facesbrancas
e ganso-marisco (2A, 4A, 1D, 2D e 3D).
● Nomes populares. É unha especie moi rara e non se lle coñecen denominacións populares,
agás a xenérica.
● Dicionarios consultados. Atopáronse as entradas xenéricas apuntadas en A. anser. No
Diccionario galego-castelán de X. L. Franco Grande (1968), da editorial Galaxia, aparece a entrada
galega sangano, como equivalente ao ganso doméstico. Igualmente, nalgúns dos traballos
lexicográficos que mencionamos puntualmente, como no Frampas, contribución al diccionario gallego
(Eligio Rivas Quintas, 1978), ou no Diccionario galego-castelán e Vocabulario castelán-galego de
Leandro Carré Alvarellos (1979), recóllese a voz sangano como nome para o ganso doméstico.
● Uso dos seus nomes na literatura galega. Sobre o emprego da voz ganso na nosa literatura,
véxase A. anser.
● Etimoloxía / motivación semántica. A respecto da etimoloxía de ganso, véxase A. anser. Os
modificadores de cara branca, de-faces-brancas etc., aluden á característica cor branca que ten na
cara. H. Costa et al. explican que a aparición dos bandos de gansos na costa era unha sorpresa grande
para a xente que os avistaba, que pensaba que nacían do marisco, quere dicir, que o marisco producía
os patos, e por iso o de ganso-marisco. Non se achou de modo claro a etimoloxía de sangano, que
posibelmente sexa unha corruptela popular de ganso (ganso, gansano, sangano) para designar a
especie doméstica.
● Discusión / explicacións sobre a preferencia dalgunhas denominacións. Ganso sangano
parece antes ben unha denominación propia da especie doméstica, non das especies salvaxes, e ben
pouco acaída como proposta para B. leucopsis.
ganso de cara negra Branta bernicla
● Bibliografía ornitolóxica especializada. Ganso cabecinegro foi o nome proposto por C.
Pedreira López e X. M. Penas Patiño en 1977-1978, naquela Lista patrón de aves de Galicia (4B e 5B);
utilizouse nas dúas guías de aves destes autores (1A, 5A e 22A) e recolleuse ou utilizouse tamén
nalgunhas publicacións ornitolóxicas (2A, 4A, 6A, 11A e 17A). Ganso de cara negra foi o nome
proposto en 1991 e 1999 nos traballos de M. A. Conde Teira e T. A. Vidal Figueroa (10B e 12B); tense
empregado nalgunhas publicacións ornitolóxicas (13A, 15A e 16A). Nalgunha publicación empregouse
ganso carinegro (10A, 12A e 14A). Na bibliografía ornitolóxica, os nomes portugueses son ganso-defaces-negras
e ganso-de-faces-pretas (2A, 1D, 2D e 3D).
● Nomes populares. É unha especie moi rara na Galiza e non se lle coñecen denominacións
populares, non sendo a xenérica.
● Dicionarios consultados. Atopáronse as entradas xenéricas apuntadas en Anser anser.
● Uso dos seus nomes na literatura galega. Sobre o emprego da voz ganso na nosa literatura,
véxase A. anser.
● Etimoloxía / motivación semántica. A respecto da etimoloxía de ganso, véxase A. anser. Os
modificadores cabecinegro, de cara negra etc., fan todos referencia á caracacterística cor negra que
ten na cara, no pescozo e no peito.
ganso do Exipto Alopochen aegyptiacus
● Bibliografía ornitolóxica especializada. Ganso do Exipto foi o nome proposto en 1999 no
traballo de M. A. Conde Teira (12B). Nalgunha publicación ornitolóxica empregouse ganso exipcio
(10A e 14A) e ganso do Nilo (17A). Na bibliografía ornitolóxica, a denominación portuguesa é gansodo-Egipto
(1D).
● Nomes populares. É unha especie moi rara na Galiza e non se lle coñecen denominacións
populares, agás a xenérica.
● Dicionarios consultados. Atopáronse as entradas xenéricas apuntadas en Anser anser.
● Etimoloxía / motivación semántica. A respecto da etimoloxía de ganso, véxase A. anser. Os
modificadores do Exipto, do Nilo etc. fan todos referencia á área de distribución orixinaria da especie.
59