1kYBRBWHf

● Nomes populares. É unha especie que moi rara vez aparece na Galiza e non se lle coñecen
denominacións populares galegas, agás a xenérica.
● Dicionarios consultados. Atopáronse as entradas xenéricas apuntadas en Anser anser.
● Uso dos seus nomes na literatura galega. Sobre o emprego da voz ganso na nosa literatura,
véxase A. anser.
● Etimoloxía / motivación semántica. A respecto da etimoloxía de ánsar e de ganso, véxanse
as especies anteriores. Os modificadores careto ou de testa branca fan referencia á mancha branca
que ten na cabeza; grande é para o distinguir doutra especie –Anser erythropus, que non se ten
avistado na Galiza– que tamén ten unha mancha branca na cabeza, mais é unha ave máis pequena.
● Discusión / explicacións sobre a preferencia dalgunhas denominacións. Os criterios para a
escolla do nome xenérico ganso como o estándar comentáronse en A. anser.
Pensándomos nun contexto en que se poida facer referencia a un tempo ao Anser albifrons e ao
Anser erythropus (esta última especie non está rexistrada na xeografía galega), podería usarse ganso
de testa branca e ganso de testa branca pequeno, respectivamente, para diferenciármolas. Un
sistema de nomenclatura semellante se está a usar na lingua inglesa (só White-fronted Goose para A.
albifrons e Lesser White-fronted Goose para A. erythropus) e recentemente tamén (3D) na lingua
portuguesa.
ganso do Canadá Branta canadensis
● Bibliografía ornitolóxica especializada. Ganso do Canadá foi proposto en 1977-1978 por C.
Pedreira López e X. M. Penas Patiño naquela Lista patrón de aves de Galicia (4B e 5B), e tamén en
1999 no traballo de M. A. Conde Teira (12B); empregouse nalgunhas publicacións ornitolóxicas (15A,
16A e 22A). Noutras publicacións recolleuse ganso canadense (10A e 14A). Na bibliografía
ornitolóxica, o nome portugués é ganso do Canadá (1D e 2D), coa forma ganso-do-canadá (3D).
● Nomes populares. É unha especie moi rara e non se lle coñecen denominacións populares,
agás a xenérica.
● Dicionarios consultados. Atopáronse as entradas xenéricas apuntadas en A. anser.
● Uso dos seus nomes na literatura galega. Sobre o emprego da voz ganso na nosa literatura,
véxase A. anser.
● Etimoloxía / motivación semántica. A respecto da etimoloxía de ganso, véxase A. anser. O
modificador do Canadá e similares fan referencia á súa área de distribución orixinaria (agora tamén
hai poboacións salvaxes na Europa septentrional).
ganso de pescozo rubio Branta ruficollis
● Bibliografía ornitolóxica especializada. Ganso paporrubio foi o nome proposto en 1999 no
traballo de M. A. Conde Teira (12B) e utilizouse nalgunhas publicacións ornitolóxicas (10A, 12A, 13A e
14A). Na terceira guía de C. Pedreira López e X. M. Penas Patiño (22A) empregouse ganso de pescozo
rubio. Na bibliografía ornitolóxica, os nomes portugueses son ganso-de-pescoço-ruivo e ganso-depeito-ruivo
(2A e 1D).
● Nomes populares. É unha especie moi rara e non se lle coñecen denominacións populares,
agás a xenérica.
● Dicionarios consultados. Atopáronse as entradas xenéricas apuntadas en Anser anser.
● Uso dos seus nomes na literatura galega. A respecto do emprego da voz ganso na nosa
literatura, véxase A. anser.
● Etimoloxía / motivación semántica. A respecto da etimoloxía de ganso, véxase A. anser. Os
modificadores paporrubio, de-pescoço-ruivo etc. fan referencia á característica cor rubia que ten na
cara, no pescozo e no peito.
● Discusión / explicacións sobre a preferencia dalgunhas denominacións. Dos dous nomes
galegos que se teñen empregado, o criterio de converxencia ou semellanza co portugués talvez faría
preferíbel a escolla de ganso de pescozo rubio, seguindo ademais as indicacións da RAG para aquelas
realidades que non tiveron denominación en galego até a actualidade. Por outro lado, paporrubio non
é un cualificativo tan bo definidor para B. ruficollis como de pescozo rubio, pois non é só o papo a
parte que ten rubia: ten tamén as meixelas ou faceiras e, nomeadamente, o pescozo.
ganso de cara branca Branta leucopsis
● Bibliografía ornitolóxica especializada. Ganso sangano foi o nome proposto por C. Pedreira
López e X. M. Penas Patiño en 1977-1978, naquela Lista patrón de aves de Galicia (4B e 5B), e
58