1kYBRBWHf

IV.
Reformulación dalgunhas denominacións
no ámbito da ornitoloxía especializada
As modificacións que se foron introducindo ao longo deste traballo para algunhas
denominacións no ámbito da ornitoloxía especializada poden agruparse en tres puntos:
● A respecto de nomes que deberían considerarse castelanismos (véxase os textos relativos
a estas especies), introducíronse cinco modificacións:
1.-*Malvasía (Oxyura leucocephala) e *malvasía americana (Oxyura jamaicensis)
modificáronse respectivamente por raboalzado e raboalzado da Xamaica, tomados do
portugués. (Véxase o texto referido a O. jamaicensis)
2.-*Rascón (Rallus aquaticus) substituíuse por zurrasca, denominación ben xeitosa e
inequívoca para esta especie rexistrada na Guarda por A. Otero Álvarez.
3.-*Rascón de terra ou *guión de paspallás (ambas as dúas para Crex crex, en
diferentes propostas) rexeitáronse por codornizón, adaptado do portugués.
4.-*Becacina común (Gallinago gallinago), *becacina real (Gallinago media) e *becacina
pequena (Lymnocryptes minima) modificáronse respectivamente por narcexa común,
narcexa real e narcexa pequena. Tomouse narcexa do acervo lingüístico galego, por
formar un sistema de nomenclatura eficaz con arcea (nome de Scolopax rusticola), isto é,
por designar claramente especies semellantes á arcea no entanto máis cativas e magras, e
por manter tamén correspondencia coas denominacións portuguesas para estas tres especies
no ámbito da ornitoloxía especializada (véxase os textos referidos a G. gallinago e a S.
rusticola).
5.-Tordo *charlo (Turdus viscivorus) modificouse por tordo do visgo, unha denominación
xa proposta por M. Conde Teira e T. Vidal Figueroa no ano 1991.
● A respecto de nomes xa propostos anteriormente que si son correctos ou propios da lingua
galega e que poderían empregarse, para os que porén se considerou que existen outras
288