1kYBRBWHf

Puffinus mauretanicus (furabuchos do Atlántico, furabuchos do Mediterráneo e
furabuchos das Baleares) ou entre o nome de Lanius excubitor e de Lanius
meridionalis (picanzo real norteño e picanzo real).
No caso dos patos, por exemplo, reforza o sistema de nomentaclatura, é dicir, faino
mnemotecnicamente máis eficaz, que para designarmos especies semllantes existan os
pares asubiador / asubiador americano (Anas penelope / Anas americana), lavanco /
lavanco americano (Anas platyrhynchos / Anas rubripes) e rabeiro / rabeiro americano
(Anas acuta / Anas georgica). (De feito, estes pares que asocian as denominacións destas
especies existen tamén noutras linguas, porque son eficaces.)
.-Que o trazo definitorio da especie, é dicir, o que se escolle como modificador do
nome xenérico, sexa transparente, é dicir, permita asociar o nome sen confusión a esa
especie. No, neste sentido, por exemplo, non é unha boa escolla ganso bravo para
unha especie cando hai máis especies que unha de ganso que non son domésticas, non
é unha característica específica.
.- No posíbel, que os trazos definitorios, que se empregan como modificadores do
nome xenérico teñan o mesmo trazo referente en especies próximas, de maneira que o
sistema estea máis cohesionado e sexa mellor de lembrar. Isto é: mellor mazarico
rabipinto / mazarico rabinegro (o mesmo trazo definitorio: o rabo, claramente
diferenciado) que mazarico rubio / mazarico rabinegro (para alén da inespecifidade
do cualificador rubio, que se podería aplicar de igual modo a esas dúas especies de
mazaricos).
Por último, canto ás denominacións galegas de aves doutras latitudes, non podemos
deixar de mencionar a obra de Luís Daviña Facal, Diccionario das ciencias da natureza e da
saúde, da cal se publicaron só os dous primeiros volumes (correspondentes ás letras A-B e
C). Neste fanado mais interesantísimo traballo, apúntanse as primeiras propostas para a
denominación en lingua galega dalgunhas especies –cuxo nome comeza polas letras A, B ou
C– doutras partes do mundo. Así, por exemplo, atopamos nomes tan ben acaídos como
aguia de Wahlberg (Aquila wahlbergi), andoriña azul (Hirundo atrocaerulea), cacatúa
branca (Kakatöe galerita), agapornis de Fisher (Agapornis fisheri) etc.
287