1kYBRBWHf

trigueirón Miliaria calandra (=Emberiza calandra)
● Bibliografía ornitolóxica especializada. Trigalla foi o nome proposto por C. Pedreira López e X.
M. Penas Patiño en 1977-1978, naquela Lista patrón de aves de Galicia (4B e 5B); utilizouse na
primeira guía de aves destes autores e recolleuse nalgunha outra publicación (1, 2 e 11B). Trigueirón
foi o nome proposto en 1999 no traballo de M. A. Conde Teira (12B); empregouse ou recolleuse
nalgunhas publicacións ornitolóxicas tanto no ámbito galego como no estatal (8A, 10A, 12A, 13A, 14A,
15A e 16A). En 1991, M. A. Conde Teira e T. A. Vidal Figueroa propuxeran a denominación de
trigueiro (10B); empregouse nas guías de X. M. Penas Patiño e C. Pedreira López (5A e 22A; na
última, trigueiro común) e noutras publicacións (5B, 6A e 11A). Na bibliografía ornitolóxica, o nome
portugués é trigueirão (2A, 10A, 11B, 1D, 2D e 3D).
● Nomes populares. Algunhas denominacións xenéricas, que tamén se poderían aplicar a esta
especie, están comentadas en Emberiza cirlus. Especificamente, A. Reboreda, C. Álvarez, E. Castro X.
L. Lozano, X. R. Reigada e X. Rodríguez recollen o nome chicharra na comarca de Verín (23B).
● Dicionarios consultados. No Diccionario galego-castelán de X. L. Franco Grande (1968), da
editorial Galaxia, aparece trigao, identificado como triguero (aínda que trigau, unha voz equivalente,
aparece identificado coa voz castelá pinzón, outra especie diferente).
● Uso dos seus nomes na literatura galega. A respecto do emprego de denominacións xenéricas
na nosa literatura, véxase Emberiza citrinella e E. cirlus.
● Etimoloxía / motivación semántica. Trigueirón e todas as similares aluden ao seu hábitat, as
leiras de trigo e os espazos abertos. A. Reboreda, C. Álvarez, E. Castro X. L. Lozano, X. R. Reigada e X.
Rodríguez apuntan que chicharra fai referencia ao son que emite este paxaro, por analoxía co son do
insecto (23B).
● Discusión / explicacións sobre a preferencia dalgunhas denominacións. M. A. Conde Teira
comenta que trigueiro está tomado do nome castelán triguero e considera máis oportuno trigueirón,
coincidindo co portugués trigueirão (12B).
282