1kYBRBWHf

(11B). Tamén charrao parece unha denominación onomatopeica. Paxaro naviñego alude á súa
alimentación, a que lle gusta a nabiña. O modificador común indica que é a máis habitual das especies
de pardais.
pardal mouro Passer hispanoliensis
● Bibliografía ornitolóxica especializada. Gorrión apincharado foi o nome proposto por C.
Pedreira López e X. M. Penas Patiño en 1977-1978, naquela Lista patrón de aves de Galicia (4B e 5B);
recolleuse nalgunha publicación ornitolóxica (2A). Pardal mouro foi o nome proposto en 1999 no
traballo de M. A. Conde Teira (12B); tense empregado ou recollido nalgunhas publicacións ornitolóxicas
(10A, 13A, 14A e 16A), tamén na última guía de Pedreira López e Penas Patiño (22A). En 1991, M. A.
Conde Teira e T. A. Vidal Figueroa propuxeran a denominación de pardal español, que se empregou
nalgunha publicación ornitolóxica (8A, 10B). Na bibliografía ornitolóxica, o nome portugués é pardalespanhol
(2A, 10A, 11B, 1D, 2D e 3D).
● Nomes populares. Algunhas denominacións xenéricas, aplicábeis a esta especie, están
apuntadas en Passer domesticus.
● Dicionarios consultados. Inclúen as entradas xenéricas xa comentadas en P. domesticus.
● Etimoloxía / motivación semántica. Para pardal e gorrión, véxase Passer domesticus. Os
modificadores específicos mouro e español fan referencia á súa área de distribución; español
ademais reflicte o cualificativo latino con que se constrúe o nome científico específico. Apincharado
alude a que ten pintas na plumaxe.
● Discusión / explicacións sobre a preferencia dalgunhas denominacións. M. A. Conde Teira
explica que considera máis apropiado o nome de pardal mouro, adaptado do español gorrión moruno,
dado o contexto xeográfico e cultural galego (12B).
pardal montés Passer montanus
● Bibliografía ornitolóxica especializada. Gorrión orelleiro foi o nome proposto por C. Pedreira
López e X. M. Penas Patiño en 1977-1978, naquela Lista patrón de aves de Galicia (4B e 5B); utilizouse
na primeira guía de aves destes autores (1A) e recolleuse nalgunha outra publicación (2A). Pardal
orelleiro utilizouse ou recolleuse nas seguintes guías de aves de Penas Patiño e Pedreira López (5A e
22A), no Atlas de vertebrados de Galicia (7A) e nalgunha outra publicación (18A). Pardal montés foi o
nome proposto en 1991 e 1999 nos traballos de M. A. Conde Teira e de T. A. Vidal Figueroa (10B e
12B); tense empregado ou recollido nalgunhas publicacións ornitolóxicas (8A, 10A, 12A, 13A e 14A).
Na bibliografía ornitolóxica, o nome portugués é pardal-montês (2A, 10A, 11B, 1D, 2D e 3D).
● Nomes populares. Algunhas denominacións populares xenéricas, aplicábeis a esta especie,
están apuntadas en Passer domesticus.
● Dicionarios consultados. O Diccionario de sinónimos da lingua galega de M. C. Noia, X. M.
Gómez e P. Benavente (1997), da editorial Galaxia, recolle pardal orelleiro, pardao e gorrión
orelleiro como sinónimos específicos de P. montanus. O resto inclúe as entradas xenéricas xa
comentadas en P. domesticus.
● Etimoloxía / motivación semántica. Para pardal e gorrión, véxase P. domesticus. O
modificador específico montés alude ao seu hábitat, orelleiro ás manchas que ten nas meixelas, que
poden dar a impresión de orellas.
pardal das rochas Petronia petronia
● Bibliografía ornitolóxica especializada. Gorrión chiador foi o nome proposto por C. Pedreira
López e X. M. Penas Patiño en 1977-1978, naquela Lista patrón de aves de Galicia (4B e 5B); utilizouse
na primeira guía de aves destes autores (1A) e recolleuse nalgunha outra publicación ornitolóxica (2A e
7A). Pardal chiador utilizouse ou recolleuse nas seguintes guías de aves de Penas Patiño e Pedreira
López (5A e 22A), no Atlas de vertebrados de Galicia (7A) e noutras publicacións (6A, 11A, 15A e 11B).
Pardal das rochas foi o nome proposto en 1991 e 1999 nos traballos de M. A. Conde Teira e T. A.
Vidal Figueroa (10B e 12B); tense empregado ou recollido nalgunhas publicacións ornitolóxicas (8A,
10A, 12A, 13A, 16 e 14A). Nunha publicación recolleuse gorrión chiador (18A). Na bibliografía
ornitolóxica, o nome portugués é pardal-francês (2A, 10A, 11B, 1D, 2D e 3D).
● Nomes populares. C. Pedreira López et al. rexistraron o nome de gorrión pión para Petronia
petronia no concello de Ames, na provincia da Coruña (9B). Algunhas denominacións populares
xenéricas, aplicábeis a esta especie, están apuntadas en Passer domesticus.
265