1kYBRBWHf

coñecen nomes específicos, non sendo os xenéricos apuntados en Corvus corone.
● Dicionarios consultados. Non se recollen nomes específicos para C. cornix (como apuntamos,
é unha ave de recente distinción como especie e de presenza excepcional na Galiza), só os xenéricos
indicados en Corvus corone.
● Uso dos seus nomes na literatura galega. Véxase Corvus monedula e Corvus corax a respecto
dalgunhas voces xenéricas empregadas na nosa literatura.
● Etimoloxía / motivación semántica. En relación con corvo e corvelo, véxase C. corone.
Cincento alude á característica cor da plumaxe desta especie.
● Discusión / explicacións sobre a preferencia dalgunhas denominacións. Sobre a escolla de
corvelo como nome xenérico corvelo, véxase C. corone.
Familia Sturnidae
estorniño pinto Sturnus vulgaris
● Bibliografía ornitolóxica especializada. Estorniño pinto foi o nome proposto por C. Pedreira
López e X. M. Penas Patiño en 1977-1978, naquela Lista patrón de aves de Galicia (4B e 5B), e tamén
en 1991 e 1999 nos traballos de M. A. Conde Teira e T. A. Vidal Figueroa (10B e 12B); utilizouse nas
guías de aves de X. M. Penas Patiño e C. Pedreira López (1A, 5A e 22A) e tense recollido ou utilizado
tamén noutras publicacións ornitolóxicas (2A, 8A, 10A, 12A, 13A, 14A, 15A e 11B). Na bibliografía
ornitolóxica, o nome portugués é estorninho-malhado (2A, 10A, 11B, 1D, 2D e 3D).
● Nomes populares. Unha chea de denominacións xenéricas populares, aplicábeis tamén a esta
especie, coméntanse en Sturnus unicolor.
● Dicionarios consultados. No Diccionario galego-castelán de X. L. Franco Grande (1968), da
editorial Galaxia, e no Diccionario de usos castelán-galego de X. M. Freixedo Tabarés e F. Álvarez
Carracedo (1984), da editorial Akal, aparecen as denominacións xenéricas apuntadas en Sturnus
unicolor. O Dicionário da língua galega de I. Alonso Estravís (1995), da editorial Sotelo Blanco, inclúe
as entradas xenéricas tornillo (nunha acepción), estorniño e chirlo-mirlo (nunha das súas acepcións
remite a estorniño); na entrada tornillo especifica a denominación estorniño pinto para Sturnus
vulgaris. O Diccionario de sinónimos da lingua galega de M. C. Noia, X. M. Gómez e P. Benavente
(1997), da editorial Galaxia, recolle, alén de estorniño, chirlo, chirlomerlo, saturniño e torniño
como sinónimos xenéricos para Sturnus sp. No Gran Diccionario Xerais da Lingua Galega (2000), de
varios autores, aparece a entrada estorniño (como galega e preferente), que define como "paxaro
cantor da familia dos estúrnidos (Sturnus vulgaris) de cor negra brillante, peteiro amarelo e rabo curto"
e dá os sinónimos chirlo e chirlomiro; chirlo (como galega e preferente), que nunha das acepcións
define e identifica con Sturnus unicolor e cos sinónimos chirlomirlo e estorniño; chirlomirlo (como
galega e preferente), que nunha das acepcións define e identifica con Sturnus unicolor e cos sinónimos
chirlo e estorniño; estornelo (como galega non preferente), que remite a estorniño; tornino (como
galega non preferente), que remite a estorniño; tornillo (como galega non preferente), que remite a
estorniño; rexeita a voz estornillo, que non considera galega, e remite a estorniño.
● Uso dos seus nomes na literatura galega. Sobre estorniño, véxase S. unicolor.
● Etimoloxía / motivación semántica. A respecto das denominacións xenéricas, véxase Sturnus
unicolor. Os modificadores pinto e malhado aluden ás características pintas da súa plumaxe.
estorniño negro Sturnus unicolor
● Bibliografía ornitolóxica especializada. Estorniño negro foi o nome proposto por C. Pedreira
López e X. M. Penas Patiño en 1977-1978, naquela Lista patrón de aves de Galicia (4B e 5B), e tamén
en 1991 e 1999 nos traballos de M. A. Conde Teira e T. A. Vidal Figueroa (10B e 12B); utilizouse nas
guías de aves de X. M. Penas Patiño e C. Pedreira López (1A, 5A e 22A), no Atlas de vertebrados de
Galicia (7A) e tense recollido ou utilizado tamén noutras publicacións ornitolóxicas (6A, 8A, 10A, 12A,
13A, 14A, 15A, 18A e 11B). Na bibliografía ornitolóxica, o nome portugués é estorninho-preto (2A,
10A, 11B, 1D, 2D e 3D).
● Nomes populares. Son moitas as denominacións populares xenéricas e as variantes aplicábeis
ao xénero Sturnus. Na primeira guía de aves de X. M. Penas Patiño e C. Pedreira López (1A) e no Atlas
de vertebrados de Galicia (7A) recóllense as denominacións estornillo (1A, 7A), saturniño (1A, 7A),
tornillo (1A, 7A), chirlo (1A, 7A), destorniño (7A) e chirlomirlo (1A, 7A). F. Bernis Madrazo
rexistrou estorniño, esturnino e estornido na provincia de Lugo, tornillo nas provincias de Lugo e
262