1kYBRBWHf

Troglodytes troglodytes (a denominación é propia desa especie); para a semántica de felosa, véxase
Locustella naevia.
papuxa carrasqueira Sylvia cantillans
● Bibliografía ornitolóxica especializada. Papuxa paporrubia foi o nome proposto por C.
Pedreira López e X. M. Penas Patiño en 1977-1978, naquela Lista patrón de aves de Galicia (4B e 5B);
utilizouse nas guías de aves destes autores (1A, 5A e 22A), no Atlas de vertebrados de Galicia (7A) e
recolleuse nalgunha outra publicación (2A e 18A). Papuxa carrasqueira foi o nome proposto en 1991
e 1999 nos traballos de M. A. Conde Teira e T. A. Vidal Figueroa (10B e 12B); tense recollido ou
empregado nalgunhas publicacións ornitolóxicas (8A, 10A, 13A e 14A). Na bibliografía ornitolóxica, os
nomes portugueses son toutinegra-de-bigodes e toutinegra-carrasqueira (2A, 1D, 2D e 3D; con
máis frecuencia o primeiro).
● Nomes populares. Algunhas voces xenéricas populares tamén aplicábeis a esta especie están
comentadas en Sylvia communis.
● Dicionarios consultados. Aparecen as denominacións xenéricas apuntadas en Sylvia
communis.
● Uso dos seus nomes na literatura galega. Sobre o emprego de papuxa na nosa literatura,
véxase S. communis.
● Etimoloxía / motivación semántica. Canto á semántica de papuxa, papuda e similares, e
tamén de toutinegra, véxase S. undata. O modificador carrasqueira fai referencia ao seu hábitat;
paporrubia e de-bigodes aluden á plumaxe do papo e da cara.
papuxa cabecinegra Sylvia melanocephala
● Bibliografía ornitolóxica especializada. Papuxa cabecinegra foi o nome proposto por C.
Pedreira López e X. M. Penas Patiño en 1977-1978, naquela Lista patrón de aves de Galicia (4B e 5B), e
tamén en 1999 no traballo de M. A. Conde Teira (12B); utilizouse nas guías de aves de Penas Patiño e
Pedreira López (1A, 5A e 22A), no Atlas de vertebrados de Galicia (7A) e noutras publicacións
ornitolóxicas (2A, 6A, 8A, 10A, 12A, 13A, 14A, 15A, 16A e 18A). En 1991, M. A. Conde Teira e T. A.
Vidal Figueroa propuxeron a denominación de papuxa de cabeza negra (10B). Nunha publicación
utilizouse papuxa moura (4A). Na bibliografía ornitolóxica, os nomes portugueses son toutinegrados-valados
e toutinegra-de-cabeça-preta (2A, 10A, 1D, 2D e 3D; con máis frecuencia o primeiro).
● Nomes populares. Algunhas voces xenéricas populares tamén aplicábeis a esta especie están
comentadas en Sylvia communis.
● Dicionarios consultados. Aparecen as denominacións xenéricas apuntadas en Sylvia
communis.
● Uso dos seus nomes na literatura galega. A respecto do emprego de papuxa na nosa
literatura, véxase S. communis.
● Etimoloxía / motivación semántica. Canto á semántica de papuxa, papuda e similares, e
tamén de toutinegra, véxase Sylvia undata. O modificador dos-valados fai referencia ao seu hábitat;
cabecinegra, de-cabeça-preta e similares aluden á plumaxe negra da cabeza, moi marcada; moura,
á cor da plumaxe en xeral.
papuxa real Sylvia hortensis
● Bibliografía ornitolóxica especializada. Papuxa ollobranca foi a denominación proposta por
C. Pedreira López e X. M. Penas Patiño en 1977-1978, naquela Lista patrón de aves de Galicia (4B e
5B); utilizouse nas guías de aves destes autores (1A, 5A e 22A), no Atlas de vertebrados de Galicia
(7A) e recolleuse ou utilizouse tamén nalgunha outra publicación (2A e 11A). Papuxa real foi o nome
proposto en 1991 e 1999 nos traballos de M. A. Conde Teira e T. A. Vidal Figueroa (10B e 12B); tense
empregado ou recollido nalgunhas publicacións ornitolóxicas (8A, 10A, 12A, 13A, 14A e 16A). Na
bibliografía ornitolóxica, o nome portugués é toutinegra-real (2A, 10A, 1D, 2D e 3D).
● Nomes populares. Algunhas voces xenéricas populares tamén aplicábeis a esta especie están
comentadas en Sylvia communis.
● Dicionarios consultados. Aparecen as denominacións xenéricas apuntadas en Sylvia
communis.
● Uso dos seus nomes na literatura galega. A respecto do emprego de papuxa na nosa
232