1kYBRBWHf

● Uso dos seus nomes na literatura galega. Canto ao emprego do nome xenérico folosiña na
nosa literatura, véxase Locustella naevia.
● Etimoloxía / motivación semántica. Para folosa, fulepa, fillosa e similares, véxase L. naevia.
Os modificadores abuado e pálido fan referencia á cor débil da plumaxe. A denominación lirio talvez
sexa pola cor da plumaxe do paxaro, que ten parecido coa cor da flor.
folosa icterina Hippolais icterina
● Bibliografía ornitolóxica especializada. Folosa icterina foi o nome proposto en 1991 e 1999
nos traballos de M. A. Conde Teira e T. A. Vidal Figueroa (10B e 12B); tense recollido ou empregado
nalgunhas publicacións ornitolóxicas (10A, 14A e 15A). Na última guía de aves de Penas Patiño e
Pedreira López utilizouse o nome fulepa icterina (22A). Na bibliografía ornitolóxica, os nomes
portugueses son felosa-amarela e felosa-icterina (1D, 2D e 3D; con máis frecuencia o primeiro).
● Nomes populares. É unha especie moi moi rara na Galiza e non se lle coñecen nomes
populares específicos. Algunhas denominacións populares xenéricas que se poderían aplicar a esta
especie están anotadas en Hippolais polyglotta e Regulus ignicapilla.
● Dicionarios consultados. Recollen as denominacións xenéricas xa apuntadas en Locustella
naevia, H. polyglotta e H. pallida.
● Uso dos seus nomes na literatura galega. Canto ao emprego do nome xenérico folosiña na
nosa literatura, véxase L. naevia.
● Etimoloxía / motivación semántica. Para folosa, fulepa, fillosa e similares, véxase L. naevia.
Os modificadores amarela e icterina fan referencia á cor da plumaxe.
folosa políglota Hippolais polyglotta
● Bibliografía ornitolóxica especializada. Lirio marelo foi o nome proposto por C. Pedreira
López e X. M. Penas Patiño en 1977-1978, naquela Lista patrón de aves de Galicia (4B e 5B); utilizouse
na primeira guía de aves destes autores (1A) e recolleuse no Atlas de vertebrados de Galicia (7A) e
noutras publicacións ornitolóxicas (2A e 18A). Nas seguintes guías de aves de Penas Patiño e Pedreira
López (5A e 22A), no Atlas de vertebrados de Galicia (7A) e noutras publicacións utilizouse fulepa
amarela (6A e 11A). Folosa amarela foi en 1991 e 1999 nos traballos de M. A. Conde Teira e T. A.
Vidal Figueroa (10B e 12B); tense recollido ou empregado nalgunhas publicacións ornitolóxicas (8A,
10A, 12A, 13A, 14A, 15A e 16A). Na bibliografía ornitolóxica, o nome portugués é felosa-poliglota
(2A, 10A, 1D e 2D).
● Nomes populares. Como xa se ten comentado, hai moita variedade e confusión, ou mestura,
no emprego popular de nomes xenéricos para especies de paxariños insectívoros. As máis propias para
o xénero Hippolais poderían ser folosa, fulepa, fillosa e similares. M. Taboada Cid rexistrou as voces
xenéricas de folepa en Verín e na Mezquita e foleco, foleca, folecra, fuleca, folepo e fulepa, en
Verín (3C). M. C. Gil Suárez tamén rexistrou foleca en Vilardevós (3C). As devanditas denominacións
fan referencia a "un paxaro pequeno e amarelo que aniña nas silverias", e é probábel que fose esta
especie. F. Bernis Madrazo rexistrou a voz papo marelo na provincia de Lugo, que podería estar
referida aos xéneros Hippolais ou Philloscopus, ou mesmo aos xéneros Sylvia ou Acrocephalus (11B)
● Dicionarios consultados. No Diccionario galego-castelán de X. L. Franco Grande (1968), da
editorial Galaxia, aparecen as denominacións xenéricas xa apuntadas en Locustella naevia. O Dicionário
da língua galega de I. Alonso Estravís (1995), da editorial Sotelo Blanco, inclúe as denominacións
apuntadas en Locustella naevia, e inclúe tamén a entrada lírio, que nunha acepción, lírio marelo,
define como "páxaro de peito máis marelo que o pica-folla e un pouco mais grande" e identifica con
Hippolais polygotta. No Gran Diccionario Xerais da Lingua Galega (2000), de varios autores, aparecen
as entradas xenéricas xa apuntadas en Hippolais pallida.
● Uso dos seus nomes na literatura galega. Canto ao emprego do nome xenérico folosiña na
nosa literatura, véxase Locustella naevia.
● Etimoloxía / motivación semántica. Para folosa, fulepa, fillosa, véxase Locustella naevia. Os
modificadores amarela e amarelo fan referencia á cor da plumaxe deste paxaro; políglota, ao seu
canto. A denominación lirio talvez é tamén pola cor da plumaxe, que ten parecido coa cor da flor. A
denominación papo marelo alude á coloración do papo.
● Discusión / explicacións sobre a preferencia dalgunhas denominacións. Sería ben interesante
podermos dispor en galego de nomes xenéricos diferentes para os xéneros Locustella, Acrocephalus e
Hippolais (para os tres emprégase folosa).
O modificador amarela non é moi bo modificador para identificar H. polyglotta porque é pouuco
230