1kYBRBWHf

igualmente as denominacións deste grupo de especies co nome xenérico de mobella, que é, con boa
diferenza, o máis habitual e inequívoco (patoula é unha denominación que tamén se rexistra para as
especies do xénero Phalacrocorax; can do mar é o nome dun ser mitolóxico e tamén o dalgunhas
especies de peixes da familia dos esciliorinídeos).
mobella grande Gavia immer
● Bibliografía ornitolóxica especializada. Mobella foi o nome específico para Gavia immer
proposto por C. Pedreira López e X. M. Penas Patiño en 1977-1978, naquela Lista patrón de aves de
Galicia (4B e 5B); utilizouse na primeira guía de aves destes autores (1A) e recolleuse noutra
publicación (2A). Mobella grande utilizouse na segunda guía de aves de X. M. Penas Patiño e C.
Pedreira López (5A) e foi o nome proposto en 1991 e 1999 nos traballos de M. A. Conde Teira e T. A.
Vidal Figueroa (10B e 12B); utilizouse tamén na terceira guía de aves de X. M. Penas Patiño e C.
Pedreira López (22A) e nunha chea máis de publicacións ornitolóxicas galegas (6A, 11A, 12A, 13A, 15A
e 16A); tamén se ten recollido noutras publicacións de ámbito estatal (10A e 14A). Na bibliografía
ornitolóxica, o nome portugués é mobelha-grande (2A, 4A, 10A, 1D, 2D e 3D).
● Nomes populares. Véxase Gavia stellata.
● Dicionarios consultados. No Diccionario galego-castelán de X. L. Franco Grande (1968), da
editorial Galaxia, no Dicionário da língua galega de I. Alonso Estravís (1995), da editorial Sotelo Blanco,
e no Gran Diccionario Xerais da Lingua Galega (2000), de varios autores, aparecen as denominacións
xenéricas xa apuntadas en Gavia stellata. No Diccionario de sinónimos da lingua galega de M. C. Noia,
X. M. Gómez e P. Benavente (1997), indícase como sinónimo de mobella, especificando para o nome
científico Gavia immer, e diferenciándoa das especies Gavia stellata e Gavia arctica, a denominación
can do mar (este dicionario recolle con frecuencia as primeiras denominacións que empregaron X. M.
Penas Patiño e C. Pedreira López).
● Etimoloxía / motivación semántica. Para a motivación semántica de mobella (ou as súas
variantes), véxase Gavia stellata. O cualificativo grande fai referencia ao seu tamaño, en comparación
coas dúas especies anteriores de mobella.
● Discusión / explicacións sobre a preferencia dalgunhas denominacións. O cultismo *colimbo
designa ave mergulladora, en xeral; a asignación exclusiva ao xénero Gavia é propia e exclusiva do
castelán (véxase Gavia stellata).
mobella de bico branco Gavia adamsii
● Bibliografía ornitolóxica especializada. Mobella de bico branco foi o nome proposto en 1999
no traballo de M. A. Conde Teira (12A). Outro nome equivalente, mobella biquibranca, utilizouse na
segunda e na terceira guía de aves de X. M. Penas Patiño e C. Pedreira López (5A e 22A) e nalgunha
outra publicación ornitolóxica galega (6A e 12A); recolleuse, ademais, noutras publicacións de ámbito
estatal (10A e 14A). Outra denominación, mobella de Adams, empregouse nunha publicación galega
(4A). Na bibliografía ornitolóxica, os nomes portugueses son mobelha-de-Adams e mobelha-debico-amarelo
(4A e 1D).
● Nomes populares. É unha especie moito máis rara na Galiza do que son as tres anteriores,
mais os nomes populares xenéricos poderían ser os mesmos: mabea, mobella, momella e patoula.
● Dicionarios consultados. No Diccionario galego-castelán de X. L. Franco Grande (1968), da
editorial Galaxia, no Dicionário da língua galega de I. Alonso Estravís (1995), da editorial Sotelo Blanco,
e no Gran Diccionario Xerais da Lingua Galega (2000), de varios autores, aparecen as denominacións
xenéricas apuntadas en Gavia stellata.
● Etimoloxía / motivación semántica. Para a motivación semántica de mobella, véxase Gavia
stellata. Os cualificativos biquibranca e de bico branco, ou o portugués de-bico-amarelo, fan
referencia á cor característica do seu bico, entre branca e amarela segundo a época do ano e a idade
do exemplar.
23