1kYBRBWHf

acuática (11A). Na bibliografía ornitolóxica, o nome portugués é felosa-aquática (2A, 10A, 1D, 2D e
3D).
● Nomes populares. Sobre denominacións xenéricas populares que tamén se poderían aplicar a
esta especie, véxase Acrocephalus schoenobaenus.
● Dicionarios consultados. No Diccionario galego-castelán de X. L. Franco Grande (1968), da
editorial Galaxia, aparecen as denominacións xenéricas xa apuntadas en Locustella naevia. O Dicionário
da língua galega de I. Alonso Estravís (1995), da editorial Sotelo Blanco, inclúe as denominacións
apuntadas en Locustella naevia e Acrocephalus arundinaceus. No Gran Diccionario Xerais da Lingua
Galega (2000), de varios autores, aparece a entrada folosa (como galega e preferente), que define
como paxaros dentirrostros dos xéneros Acrocephalus, Locustella e Hippolais, pequenos, insectívoros,
carnosos e pluma da cor da oliva; foleco (como galega e preferente), que remite, nunha das
acepcións, a folosiña; tamén folosiña (como galega, mais non preferente), que remite a folosa;
fulosiño (como galega non preferente), que remite a folosa; fulosiña (como galega non preferente),
que remite a folosa; fulosa (como galega non preferente), que remite a folosa.
● Uso dos seus nomes na literatura galega. Canto ao emprego do nome xenérico folosiña na
nosa literatura, véxase Locustella naevia.
● Etimoloxía / motivación semántica. Para folosa, fulepa, fillosa e similares, véxase L. naevia.
O modificador acuática fai referencia ao seu hábitat acuático.
folosa dos xuncos Acrocephalus schoenobaenus
● Bibliografía ornitolóxica especializada. Fulepa das xunqueiras foi o nome proposto por C.
Pedreira López e X. M. Penas Patiño en 1977-1978, naquela Lista patrón de aves de Galicia (4B e 5B);
utilizouse nas últimas guías de aves destes autores (5A e 22A), no Atlas de vertebrados de Galicia (7A)
e recolleuse ou utilizouse tamén nalgunha outra publicación (2A, 6A e 11A). Folosa dos xuncos foi
proposto en 1991 e 1999 nos traballos de M. A. Conde Teira e T. A. Vidal Figueroa (10B e 12B); tense
recollido ou empregado en varias publicacións ornitolóxicas (8A, 10A, 12A, 13A, 14A e 15A). Na
bibliografía ornitolóxica, o nome portugués é felosa-dos-juncos (2A, 10A, 1D, 2D e 3D).
● Nomes populares. Existe unha gran variedade, confusión ou mestura no emprego popular de
nomes xenéricos para especies de paxaros insectívoros. As máis propias do xénero Acrocephalus
parecen ser folosa, fulepa e fillosa. Véxase tamén Hippolais polyglotta e Regulus ignicapilla.
● Dicionarios consultados. No Diccionario galego-castelán de X. L. Franco Grande (1968), da
editorial Galaxia, aparecen as denominacións xenéricas xa apuntadas en Locustella naevia. O Dicionário
da língua galega de I. Alonso Estravís (1995), da editorial Sotelo Blanco, inclúe as denominacións
apuntadas en L. naevia e Acrocephalus arundinaceus. No Gran Diccionario Xerais da Lingua Galega
(2000), de varios autores, aparecen as entradas xa apuntadas en Acrocephalus paludicola.
● Uso dos seus nomes na literatura galega. Canto ao emprego do nome xenérico folosiña na
nosa literatura, véxase L. naevia.
● Etimoloxía / motivación semántica. Para folosa, fulepa, fillosa e similares, véxase L. naevia.
Os modificadores dos xuncos e das xunqueiras, fan referencia a un dos hábitats característicos da
especie.
● Discusión / explicacións sobre a preferencia dalgunhas denominacións. Sería ben interesante
podermos dispor en galego de nomes xenéricos diferentes para os xéneros Locustella, Acrocephalus e
Hippolais (para os tres emprégase folosa).
folosa das canaveiras Acrocephalus scirpaceus
● Bibliografía ornitolóxica especializada. Fulepa lixeira foi o nome proposto por C. Pedreira
López e X. M. Penas Patiño en 1977-1978, naquela Lista patrón de aves de Galicia (4B e 5B); utilizouse
na primeira guía de aves destes autores (1A) e recolleuse no Atlas de vertebrados de Galicia (7A) e
nalgunha outra publicación ornitolóxica (2A e 18A). Folosa das canaveiras foi o nome proposto en
1999 no traballo de M. A. Conde Teira (12B); tense recollido ou empregado nalgunhas publicacións
ornitolóxicas (8A, 10A, 12A, 13A, 14A, 15A e 16A). En 1991, M. A. Conde Teira e T. A. Vidal Figueroa
propuxeran folosa dos buños (10B). Nas últimas guías de aves de Penas Patiño e Pedreira López (5A
e 22A), no Atlas de vertebrados de Galicia (7A) e nalgunha outra publicación (11A) empregouse fulepa
dos carrizos. Na bibliografía ornitolóxica, o nome portugués é rouxinol-pequeno-dos-caniços (2A e
1D) ou rouxinol-dos-canizos (2D e 3D).
● Nomes populares. Sobre denominacións xenéricas populares que tamén se poderían aplicar a
esta especie, véxase Acrocephalus schoenobaenus.
● Dicionarios consultados. No Diccionario galego-castelán de X. L. Franco Grande (1968), da
editorial Galaxia, aparecen as denominacións xenéricas xa apuntadas en Locustella naevia. O Dicionário
228