1kYBRBWHf

traballo de M. A. Conde Teira e utilizouse nalgunha publicación ornitolóxica (13A). Nalgunha publicación
empregouse pica gorxirrubia (10A e 14A). En 1991, M. A. Conde Teira e T. A. Vidal propuxeran a
denominación de pica de garganta rubia (10B). Nas guías de aves de X. M. Penas Patiño e C.
Pedreira López empregouse o nome de pica pintada (5A e 22A). Na bibliografía ornitolóxica, os nomes
portugueses son petinha-de-garganta-ruiva e petinha-da-garganta-vermelha (2A, 10A, 1D e
2D).
● Nomes populares. É unha especie accidental na Galiza e non se teñen rexistrado nomes
populares, agás o xenérico.
● Dicionarios consultados. . Ningunha denominación específica para A. cervinus; só as
denominacións xenéricas indicadas en A. petrosus no Dicionário da língua galega de I. Alonso Estravís
(1995), da editorial Sotelo Blanco.
● Etimoloxía / motivación semántica. Sobre a motivación semántica dos nomes xenéricos,
véxase Anthus campestris. Os modificadores gorxirrubia, de gorxa rubia, pintada etc. aluden ás
cores da plumaxe desta especie, particularmente a da gorxa, que a distingue doutras picas.
pica fulva Anthus rubescens
● Bibliografía ornitolóxica especializada. Non se teñen empregado até o momento. Na
bibliografía ornitolóxica, o nome portugués é petinha-fulva (3D).
● Nomes populares. Esta ave é de presenza en extremo esporádica na Galiza e non se coñecen
nomes específicos; os comentarios poden ser os mesmos no referente ao nome xenérico.
● Dicionarios consultados. Ningunha denominación específica para A. rubescens; só as
denominacións xenéricas indicadas en A. petrosus no Dicionário da língua galega de I. Alonso Estravís
(1995), da editorial Sotelo Blanco.
● Etimoloxía / motivación semántica. Sobre a motivación semántica de pica, véxase A.
campestris. O modificador fulva alude á cor da súa plumaxe, amarelo tostada ou alourada.
lavandeira citrina Motacilla citreola
● Bibliografía ornitolóxica especializada. Lavandeira citrina foi o nome proposto en 1999 no
traballo de M. A. Conde Teira (12B); empregouse ou recolleuse nalgunhas publicacións ornitolóxicas
(12A, 13A e 14A); tamén na terceira guía de aves de X. M. Penas Patiño e C. Pedreira López (22A). Na
bibliografía ornitolóxica, o nome portugués é alvéola-citrina (14A, 1D, 2D e 3D).
● Nomes populares. É unha especie de ocorrencia accidental na Galiza e non se teñen
rexistrado nomes populares, agás os xenéricos.
● Dicionarios consultados. Aparecen os nomes xenéricos indicados en Motacilla alba.
● Etimoloxía / motivación semántica. A respecto da significación de lavandeira, véxase
Motacilla alba. Sobre a denominación portuguesa alvéola, véxase Motacilla alba. O modificador citrina
fai referencia á cor da plumaxe, amarela, como a do limón.
lavandeira amarela Motacilla flava
● Bibliografía ornitolóxica especializada. Lavandeira verdeal foi o nome proposto por C.
Pedreira López e X. M. Penas Patiño en 1977-1978, naquela Lista patrón de aves de Galicia (4B e 5B);
utilizouse nas guías de aves destes autores (1A, 5A e 22A), no Atlas de vertebrados de Galicia (7A) e
recolleuse ou utilizouse tamén noutras publicacións (2A, 6A, 11A, 18A e 11B). Lavandeira amarela foi
o nome proposto en 1991 e 1999 nos traballos de M. A. Conde Teira e T. A. Vidal Figueroa (10B e
12B); tense empregado nalgunhas publicacións ornitolóxicas (8A, 10A, 12A, 13A, 14A, 15A e 16A).
Existen ademais varias subespecies e ten cada unha seu nome no ámbito da ornitoloxía especializada:
Motacilla flava iberiae: lavandeira amarela ibérica; Motacilla flava flava: lavandeira amarela
europea; Motacilla flava flavissima: lavandeira amarela británica; Motacilla flava thunbergi:
lavandeira amarela escandinava; Motacilla flava cinereocapilla: lavandeira amarela itálica;
Motacilla flava feldegg: lavandeira amarela balcánica. Na bibliografía ornitolóxica, o nome portugués
é alvéola-amarela (2A, 10A, 11B, 1D, 2D e 3D), cos mesmos modificadores para as subespecies:
alvéola-amarela-ibérica etc.
● Nomes populares. A. Villarino Gómez rexistrou para esta especie as denominacións populares
de lavandeira, lavandeira da veiga e lavandeira do gado nas terras da desaparecida lagoa de
Antela, na Limia (9A). A. Reboreda, C. Álvarez, E. Castro X. L. Lozano, X. R. Reigada e X. Rodríguez,
boieira especificamente para M. flava na comarca de Verín (23B). M. Taboada Cid rexistrou no galego
de Verín a voz vaqueira, e M. C. Gil Suárez rexistrouna no galego de Vilardevós (3C); neste traballo
205