1kYBRBWHf

"Catro aves voadoras son as que pasan o mar: a anduriña (ou andoriña) e mais o cuco, a
rula e o paspallás."
"Anduriñas a rentes da auga, chuvia na praia."
"Unha anduriña soa non fai verán."
● Etimoloxía / motivación semántica. F. Bernis Madrazo explica que do latín hirundo derivan as
voces galegas e portuguesas, pasando por arundo, arundina e andurina (11B). O modificador caseña é
porque constrúe os niños nas casas; o modificador común indica que H. rustica é a especie a máis
habitual das andoriñas.
Familia Motacillidae
pica de Richard Anthus richardi
● Bibliografía ornitolóxica especializada. Pica de Richard foi o nome proposto en 1999 no
traballo de M. A. Conde Teira (12B); empregouse nas guías de aves de X. M. Penas Patiño e C. Pedreira
López (5A e 22A) e recolleuse ou empregouse tamén nalgunhas publicacións ornitolóxicas (10A, 12A,
13A, 14A, 15A e 16A). Na bibliografía ornitolóxica, os nomes portugueses son petinha de Richard e
petinha-sombria (2A, 10A, 1D e 2D), tamén grafado como petinha-de-richard (3D).
● Nomes populares. É unha especie accidental na Galiza e non se teñen rexistrado nomes
populares, agás o xenérico (véxase Anthus campestris).
● Dicionarios consultados. Véxase A. campestris.
● Etimoloxía / motivación semántica. A respecto da motivación semántica dos nomes xenéricos,
véxase A. campestris. O modificador de Richard, tamén indicado no nome científico da especie, alude
ao naturalista francés M. Richard, que a describiu no século XIX; sombria refírese talvez ás manchas
escuras do peito e á tonalidade escura do dorso.
pica de Hodgson Anthus hodgsoni
● Bibliografía ornitolóxica especializada. Pica de Hodgson empregouse na terceira guía de
aves de X. M. Penas Patiño e C. Pedreira López (22A). Na bibliografía ornitolóxica, os nomes
portugueses son petinha-silvestre (3D).
● Nomes populares. É unha especie accidental na Galiza e non se teñen rexistrado nomes
populares, agás o xenérico (véxase Anthus campestris).
● Dicionarios consultados. Véxase A. campestris.
● Etimoloxía / motivación semántica. A respecto da motivación semántica dos nomes xenéricos,
véxase A. campestris. O modificador de Hodgson, tamén presente no nome científico da especie,
alude ao naturalista inglés Brian Hodgson, que describiu esta pica no século XIX.
pica dos campos Anthus campestris
● Bibliografía ornitolóxica especializada. Pica papuda foi a denominación proposta por C.
Pedreira López e X. M. Penas Patiño en 1977-1978, naquela Lista patrón de aves de Galicia (4B e 5B);
utilizouse nas guías de aves destes autores (1A, 5A e 22A), no Atlas de vertebrados de Galicia (7A) e
recolleuse ou utilizouse tamén noutras publicacións ornitolóxicas (2A e 6A). Pica campestre foi o
nome proposto en 1999 no traballo de M. A. Conde Teira (12B); tense recollido ou empregado
nalgunhas publicacións (8A, 10A, 12A, 13A, 14A, 15A, 16A e 18A). En 1991, M. A. Conde Teira e T. A.
Vidal propuxeran pica dos campos (10B). Na bibliografía ornitolóxica, o nome portugués é petinhados-campos
(2A, 10A, 1D, 2D e 3D).
● Nomes populares. O nome xenérico, pica, foi rexistrado no galego de Cariño por F. Fernández
Rei e recollido no traballo de C. García (3C). M. A. Conde Teira e T. A. Vidal Figueroa comentan que
este é o único nome xenérico recollido até agora en galego para as especies do xénero Anthus (10B).
● Dicionarios consultados. O Dicionário da língua galega de I. Alonso Estravís (1995), da
editorial Sotelo Blanco, recolle a voz pica e nunha das súas acepcións define xenericamente estes
paxaros, especificando ademais a denominación pica-papuda para A. campestris; tamén recolle na
entrada naviñeiro unha acepción que identifica xenericamente cos páxaros da familia dos motacilídeos
202