1kYBRBWHf

elaciónase coa grande abertura bucal que teñen estas especies.
● Discusión / explicacións sobre a preferencia dalgunhas denominacións. Canto á escolla dun
nome xenérico estándar, véxase C. europaeus.
Canto ao modificador específico para C. ruficollis, papuda non parece de todo apropiado, xa
que tamén se podería aplicar á outra especie do mesmo xénero, C. europaeus, bastante semellante
(ambas as especies pode abrir moito a boca para papar os insectos, posúen exactamente igual esa
característica). Por isto talvez sería mellor manter rubia para C. ruficollis, pois o trazo da cor da
plumaxe, alén de caracterizar ben a especie, é inconfundíbel (en comparación co trazo da boca ou papo
grandes). Ademais o nome de C. europaeus, noiteboa cincenta, tamén alude á plumaxe, de modo
que o par noiteboa cincenta / noiteboa rubia resulta mnemotecnicamente moito máis eficaz do que
resulta o par noiteboa cincenta / noiteboa papuda.
Familia Apodidae
andoriñón mongol Hirundapus caudacutus
● Bibliografía ornitolóxica especializada. Andoriñón mongol foi o nome proposto no último
traballo de M. A. Conde Teira (12B); utilizouse nalgunha publicación ornitolóxica (13A). Nalgunha
publicación tamén se empregou cirrio mongol (10A e 14A); na terceira guía de C. Pedreira López e X.
M. Penas Patiño, *vencello mongol (22A). Na bibliografía ornitolóxica, os nomes portugueses son
andorinhão-de-ferradura e andorinhão-mongol (12B e 1D).
● Nomes populares. É unha especie de presenza en extremo accidental na Galiza, e non se lle
coñecen nomes populares.
● Dicionarios consultados. Recollen os nomes xenéricos indicados en Apus apus.
● Etimoloxía / motivación semántica. Semanticamente, andoriñón fai referencia ao seu
parecido cunha andoriña e ao seu tamaño grande, mais non ten parentesco ningún; mongol alude á
súa área de distribución asiática e de-ferradura ao característico debuxo branco en forma de ferradura
que ten nas partes ventrais do corpo.
● Discusión / explicacións sobre a preferencia dalgunhas denominacións. M. A. Conde Teira
explica que a denominación andoriñón mongol é paralela á que escolle Sacarrão e Soares para o
portugués (12B).
● Discusión / explicacións sobre a preferencia dalgunhas denominacións. M. A. Conde Teira e T.
A. Vidal Figueroa explican que o VOLG (Vocabulario Ortográfico da Lingua Galega) desaconsella a
denominación *vencello, por ser un castelanismo (10B) (aparece catalogado como “entrada
incorrecta”, se está referida a nome de paxaro, e remite a cirrio ou birrio).
andoriñón real Apus melba
● Bibliografía ornitolóxica especializada. Andurón foi o nome proposto por C. Pedreira López e
X. M. Penas Patiño en 1977-1978, naquela Lista patrón de aves de Galicia (4B e 5B); utilizouse nas
primeiras guías de aves destes autores (1A, 5A), no Atlas de vertebrados de Galicia (7A) e recolleuse
ou utilizouse tamén noutras publicacións (2A, 11A e 11B). Andoriñón real foi proposto en 1999 por M.
A. Conde Teira (12B); empregouse nalgunhas publicacións ornitolóxicas (13A e 16A); na terceira guía
de C. Pedreira López e X. M. Penas Patiño, andurón real (22A). En 1991, M. A. Conde Teira e T. A.
Vidal propuxeron a denominación de cirrio grande (10B); tamén se empregou nalgunhas publicacións
(8A, 10A, 12A, 14A e 15A). Nunha publicación utilizouse falciño real (6A). Na bibliografía ornitolóxica,
os nomes portugueses son andorinhão-real e andorinhão-de-ventre-branco (2A, 10A, 1D, 2D e
3D).
● Nomes populares. No Atlas de vertebrados de Galicia recóllense especificamente para A.
melba os nomes de *vencello real e falciño rei (7A). Na guía de aves de X. M. Penas Patiño e C.
Pedreira López tamén se apuntan as denominacións xenéricas de birrio, cirrio e anduriño (1A).
Outros nomes xenéricos populares están apuntados en A. apus.
● Dicionarios consultados. Recollen os nomes xenéricos indicados en Apus apus. Ademais, no
Dicionário da língua galega de I. Alonso Estravís (1995), da editorial Sotelo Blanco, aparece a voz
andurón, definida como "espécie de vencello (páxaro)", e dáse como nome científico Apus melba.
● Etimoloxía / motivación semántica. Semanticamente, andoriñón fai referencia ao seu
parecido cunha andoriña e ao seu tamaño grande, mais non ten parentesco ningún; grande alude ao
182