1kYBRBWHf

12A, 13A, 14A, 15A e 16A). Na bibliografía ornitolóxica, o nome portugués é rola-turca (2A, 1D, 2D e
3D).
● Nomes populares. O nome xenérico, como xa se comentou para Streptopelia turtur, ten dúas
variantes: rula e rola, ambas as dúas amplamente estendidas por Galiza e recollidas por igual no
Vocabulario Ortográfico da Lingua Galega.
● Dicionarios consultados. Aparecen os nomes xenéricos xa comentados en Streptopelia turtur.
Ademais, o Dicionário da língua galega de I. Alonso Estravís (1995), da editorial Sotelo Blanco,
especifica a denominación rola turca para Streptopelia decaocto. O Diccionario de sinónimos da lingua
galega de M. C. Noia, X. M. Gómez e P. Benavente (1997), da editorial Galaxia, recolle rola de colar,
rola turca e rula de colar como sinónimos específicos para S. decaocto. Tamén o Gran Diccionario
Xerais da Lingua Galega (2000), de varios autores, especifica as denominacións rola turca e rula
turca para a especie S. decaocto.
● Uso dos seus nomes na literatura galega. Véxase Streptopelia turtur.
● Etimoloxía / motivación semántica. A respecto da semántica de rola e rula, véxase
Streptopelia turtur. O modificador turca fai referencia á súa área de distribución inicial na Europa:
Turquía (desde alá foise estendendo por Europa cara ao Leste, até chegar á Galiza).
Familia Psittacidae
catorra monxe Myiopsitta monachus
● Bibliografía ornitolóxica especializada. Cata foi o nome proposto en 1999 no traballo de M. A.
Conde Teira (12B); utilizouse nalgunhas publicacións ornitolóxicas (12A, 13A, 15A e 16A). Noutras
publicacións tamén se empregou o nome de cata arxentina (8A, 14A e 18A). Na terceira guía de C.
Pedreira López e X. M. Penas Patiño (22A) e unha publicación (11A), cotorra de peito gris. No Brasil
recibe os nomes xenéricos de catorra e caturrita (12B, 1D, 2D e 3D; o segundo con máis frecuencia).
● Nomes populares. É unha especie exótica que está a vivir e a criar xa en liberdade no noso
país desde hai poucos anos, e non se lle coñecen nomes populares non sendo o de cata, que é o que
empregan os paxareiros do sur de Pontevedra (12B).
● Dicionarios consultados. O Diccionario de usos castelán-galego de X. M. Freixedo Tabarés e F.
Álvarez Carracedo (1984), da editorial Akal, identifica a voz castelá cotorra coa galega cotorra. No
Dicionário da língua galega de I. Alonso Estravís (1995), da editorial Sotelo Blanco, aparece a entrada
xenérica papagaio para este tipo de aves. No Gran Diccionario Xerais da Lingua Galega (2000), de
varios autores, aparece a entrada xenérica papagaio para este tipo de aves.
● Etimoloxía / motivación semántica. Etimoloxicamente, cata, catorra e similares parecen
provir do castelán cotorra; J. Corominas, no Diccionario Crítico Etimológico de la Lengua Castellana,
indica que a denominación cotorra parece relacionada con cotorrera, muller que é faladeira, e con
cotarrera, muller que pasa o tempo en visitas inútiles; catalina, catita e caturra, nomes tamén
casteláns para a ave, proceden do nome propio de muller Catalina. Papagaio provén do árabe
babbagâ. O modificador de peito gris fai referencia á súa plumaxe; monxe, ao seu nome científico e
probabelmente tamén á plumaxe; arxentina, á súa área de distribución orixinaria.
● Discusión / explicacións sobre a preferencia dalgunhas denominacións. Cata probabelmente
sexa un castelanismo (é unha denominación popular castelá). Catorra monxe, para alén de
incorporarmos o xenérico propio catorra, é unha denominación transparente (permitiría formar
eficazmente o nome catorra monxe boliviana para Myiopsitta luchsi).
catorra de Kramer Psittacula krameri
● Bibliografía ornitolóxica especializada. Catorra de Kramer foi o nome proposto en 1999 no
traballo de M. A. Conde Teira (12B). Nalgunha publicación ornitolóxica empregouse cotorra de
Kramer (10A e 16A). Noutras publicacións recolleuse ou empregouse cata de Kramer (8A, 14A e
18A). No Brasil recibe os nomes xenéricos de catorra e caturrita e en Portugal recibe o nome
específico de periquito-rabijunco (12B, 1D, 2D e 3D).
● Nomes populares. É unha especie exótica que xa está a vivir e criar en liberdade no noso país
desde hai poucos anos e non se lle coñecen nomes populares galegos.
● Dicionarios consultados. Recollen as denominacións xenéricas apuntadas na especie anterior.
● Etimoloxía / motivación semántica. Sobre a etimoloxía e semántica de catorra, véxase
173